പട്ടത്താനം ബാങ്കിൽ സ്റ്റുഡന്റസ് മാർക്കറ്റ്

കൊല്ലം: വിദ്യാർത്ഥികൾക്ക് പഠന ഉപകരണങ്ങൾ വിലക്കുറവിൽ ലഭ്യമാക്കാൻ പട്ടത്താനം സർവീസ് സഹകരണ ബാങ്കും കൺസ്യൂമർഫെഡും സംയുക്തമായി സ്‌റ്റുഡന്റ്സ് മാർക്കറ്റ് ആരംഭിച്ചു. അമ്മൻനടയിലെ ബാങ്ക് ഹെഡ് ഓഫീസിൽ ആരംഭിച്ച വിപണി എം. നൗഷാദ് എം.എൽ.എ ഉദ്ഘാടനം ചെയ്തു. ബാങ്ക് പ്രസിഡന്റ് അഡ്വ. എസ്.ആർ.രാഹുൽ അദ്ധ്യക്ഷത വഹിച്ചു. ഗുണമേന്മയേറിയ സ്‌കൂൾ ബാഗുകൾക്ക് പുറമേ നോട്ട്ബുക്കുകൾ അടക്കമുള്ള മുഴുവൻ പഠനോപകരണങ്ങളും 50 ശതമാനം വരെ വിലക്കുറവിൽ സ്റ്റുഡന്റ്സ് മാർക്കറ്റിൽ ലഭിക്കും. വിവിധ കമ്പനി ഉത്പന്നങ്ങൾക്ക് പുറമേ ത്രിവേണി നോട്ട് ബുക്കുകളും ലഭ്യമാണ്. പങ്കജാക്ഷൻ പിള്ള, ബാങ്ക് ഭരണസമിതി അംഗങ്ങളായ അനിൽകുമാർ മങ്കുഴി, പ്രേം ഉഷാർ, ഷാനവാസ്, ഉമേഷ് ഉദയൻ, കൃഷ്ണകുമാർ,മോഹനൻ, ഷിബു. .നായർ, ഡെസ്റ്റിമോണ, സെക്രട്ടറി ശോഭ, മാനേജർ അജിത് ബേബി തുടങ്ങിയവർ സംസാരിച്ചു.