SignIn
Kerala Kaumudi Online
Monday, 25 September 2023 12.55 PM IST

മൂന്ന് വർഷംകൊണ്ട് ഡിജിറ്റൽ ഇടപാടുകൾ 90% യു.പി.ഐ വഴിയാകും

upi

ന്യൂഡൽഹി: 2022-23 കാലയളവിൽ രാജ്യത്തെ റീട്ടെയിൽ വിഭാഗത്തിലെ മൊത്തം ഇടപാടിന്റെ 75 ശതമാനവും ഡിജിറ്റൽ പേയ്‌മെന്റ് വിപ്ലവത്തിന് നേതൃത്വം നൽകുന്ന യൂണിഫൈഡ് പേയ്‌മെന്റ് ഇന്റർഫേസി(യു.പി.ഐ)ലൂടെ ആയെന്ന് പി.ഡബ്ല്യു.സി. റിപ്പോ‌ർട്ട്. 2026-27 ആകുമ്പോഴേക്കും യു.പി.ഐ. ഇടപാടുകൾ പ്രതിദിനം ഒരു ബില്ല്യണിലെത്തും. ഇതോടെ റീട്ടെയിൽ ഡിജിറ്റൽ പെയ്മെന്റുകളുടെ 90 ശതമാനവും യു.പി.ഐ വഴിയാകുമെന്നും "ദി ഇന്ത്യൻ പേയ്‌മെന്റ് ഹാൻഡ്‌ബുക്ക് 2022-27" എന്ന് പേരിട്ടിരിക്കുന്ന പി.ഡബ്ല്യു.സി. റിപ്പോർട്ട് സൂചിപ്പിക്കുന്നു.

ഇന്ത്യൻ ഡിജിറ്റൽ പേയ്‌മെന്റ് വിപണി ഇടപാടുകളുടെ എണ്ണത്തിൻറെ അടിസ്ഥാനത്തിൽ 50 ശതമാനം സംയോജിത വാർഷിക വളർച്ചാ നിരക്ക് (സി.എ.ജി.ആർ)കൈവരിച്ചു. 2022-23 സാമ്പത്തിക വർഷത്തിലെ 103 ബില്യണിൽ നിന്ന് ‌2026-27 സാമ്പത്തിക വർഷത്തിൽ 411 ബില്യണിലേക്ക് ഡി‌ജിറ്റൽ ഇടപാടുകൾ എത്തുമെന്ന് പ്രതീക്ഷിക്കുന്നു.

യുപിഐ ഇടപാടുകളുടെ എണ്ണം 2022-23 ലെ 83.71 ബില്യണിൽ നിന്ന് 2026-27 ആകുമ്പോഴേക്കും 379 ബില്യണായി മാറും. യുപിഐ കഴിഞ്ഞാൽ റീട്ടെയിൽ ഡിജിറ്റൽ പേയ്‌മെന്റുകൾക്കായി ഏറ്റവും കൂടുതൽ ഉപയോഗിക്കുന്ന മാർഗം കാർഡ് (ഡെബിറ്റ്, ക്രെഡിറ്റ്) പേയ്‌മെൻറാണ്. ക്രെഡിറ്റ് കാർഡുകളിലെ ഇടപാടുകളുടെ എണ്ണം 2024-25 സാമ്പത്തിക വർഷത്തോടെ ഡെബിറ്റ് കാർഡുകളിലെ എണ്ണത്തെ മറികടക്കുമെന്നും റിപ്പോർട്ടിലുണ്ട്.

അടുത്ത അഞ്ച് വർഷത്തിനുള്ളിൽ ക്രെഡിറ്റ് കാർഡ് ഇഷ്യു 21 ശതമാനത്തിന്റെ വളർച്ച കൈവരിക്കും. എന്നാൽ ഡെബിറ്റ് കാർഡ് ഇഷ്യു ഇക്കാലയളവിൽ 3 ശതമാനം വളർച്ച മാത്രമായി ചുരുങ്ങും. ഡെബിറ്റ് കാർഡ് ഇടപാടുകൾ പ്രധാനമായും പണം പിൻവലിക്കാനാണ് ഉപയോഗിക്കപ്പെടുന്നത്. യുപിഐ വന്നതോടെ ഈ ഉപയോഗം വലിയ തോതിൽ കുറഞ്ഞു.

2022-23 ലെ മൊത്തം കാർഡ് പേയ്മെന്റ് വരുമാനത്തിന്റെ 76 ശതമാനവും ക്രെഡിറ്റ് കാർഡ് വഴിയാണ്. ഇത് ബാങ്കുകൾക്ക് ഉൾപ്പെടെ ലാഭകരമായ ബിസിനസ് വിഭാഗമാക്കി ക്രെഡിറ്റ് കാർഡുകളെ മാറ്റുന്നു. ക്രെഡിറ്റ് കാർഡ് ഇഷ്യൂവിനുള്ള വരുമാനം 2021-22 നെ അപേക്ഷിച്ച് 2022-23ൽ 42 ശതമാനം വർദ്ധിച്ചു, അടുത്ത അഞ്ച് വർഷത്തേക്ക് ഇത് 33 ശതമാനം വളരാൻ സാധ്യതയുണ്ടെന്നും റിപ്പോർട്ട് വിലയിരുത്തുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: BUSINESS
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.