ദമ്പതികളെ വീട്ടുപറമ്പിലെ പ്ലാവിൽ തൂങ്ങിമരിച്ച നിലയിൽ കണ്ടെത്തി

കൊയിലാണ്ടി: ദമ്പതികളെ വീട്ടുപറമ്പിലെ പ്ലാവിൽ തൂങ്ങിമരിച്ച നിലയിൽ കണ്ടെത്തി. വെണ്ണിപുറത്ത് അശോക് കുമാർ (ഉണ്ണി 43), ഭാര്യ അനുരാജ് (33) എന്നിവരാണ് മരിച്ചത്. ഇന്നലെ രാവിലെ ബന്ധുക്കളാണ് ഇരുവരുടെയും മൃതദേഹങ്ങൾ കണ്ടെത്തിയത്.

തിരുവനന്തപുരം വിജിലൻസ് ഓഫീസിലെ ടൈപ്പിസ്റ്റായിരുന്നു അശോക് കുമാർ. പൊലീസ് ഇന്റലിജൻസ് വിംഗിൽ ട്രെയിനിയാണ് അനുരാജ്. അനുരാജിന് ചില ആരോഗ്യ പ്രശ്നങ്ങളുണ്ടായിരുന്നു. ഇതിനെത്തുടർന്ന് കഴിഞ്ഞ നാല് മാസമായി ഇരുവരും ചേമഞ്ചേരിയിലെ വീട്ടിലായിരുന്നു താമസം.

മെഡിക്കൽ കോളേജിലെ പോസ്റ്റ്‌മോർട്ടം നടപടികൾക്ക് ശേഷം മൃതദേഹങ്ങൾ വീട്ടുവളപ്പിൽ സംസ്‌കരിച്ചു. പരേതനായ വെണ്ണിപുറത്ത് മാധവൻ നായരുടെയും ദേവി അമ്മയുടെയും മകനാണ് അശോക് കുമാർ. സൂസിയാണ് അനുവിന്റെ മാതാവ്.