വീടിന്റെ മൂക്ക് എവിടെയാണെന്ന് അറിയാമോ? ആ ഭാഗം ഒരിക്കലും അടയ്ക്കാതിരിക്കാൻ ശ്രദ്ധിക്കണേ

റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ:samkhiyarathnam@gmail.com

വീട്ടിൽ മാസ്റ്റർ ബെഡ്‌റൂം എപ്പോഴും തെക്ക്-പടിഞ്ഞാറ് ഭാഗത്തായിരിക്കാൻ ശ്രദ്ധിക്കണം. നെഗറ്റീവ് എനർജി പ്രസരിക്കുന്ന കുളിമുറികളും കക്കൂസുകളും പടിഞ്ഞാറ് ഭാഗത്തോ കിഴക്കുഭാഗത്തോ ആവുന്നതാണ് നല്ലത്. വടക്ക്, വടക്ക്-കിഴക്ക് ഭാഗങ്ങളിൽ ഇവ പണിയാതിരിക്കാൻ പ്രത്യേകം ശ്രദ്ധിയ്ക്കണം. ഇങ്ങനെ വന്നാൽ അവ ധനം, വിദ്യാഭ്യാസം എന്നിവയ്‌ക്കെല്ലാം പ്രശ്‌നം വരുത്തും.

വീടിന്റെ മദ്ധ്യഭാഗം അതിന്റെ മൂക്കായിട്ടാണ് കണക്കാക്കുന്നത്. ഇത് വീടിന് ശ്വസിയ്ക്കാനുള്ള ഭാഗമാണ്. ഇത് തുറന്നുകിടക്കുന്നതാണ് നല്ലത്. ഈ ഭാഗത്തുകൂടി വല്ലചുവരും പണിതിട്ടുണ്ടെങ്കിൽ അവിടെ ഒരു സീറോ വാൾട്ട് ബൾബ് ഇടുന്നത് നന്നായിരിക്കും. ഇത് എല്ലാ സമയത്തും കത്തിച്ചിടുകയും വേണം.കിടപ്പുമുറിയിൽ വെള്ളത്തിന്റെയോ, ജലധാരയുടേയോ ചിത്രം വയ്ക്കരുത്. വീട്ടിനുള്ളിലെ പൂജാമുറി ബീമിനും കബോർഡിനും ഇടയിലാകാതിരിക്കാൻ ശ്രദ്ധിക്കണം.​​ഇങ്ങനെയായാൽ മാനസികസമ്മർദ്ദം വിട്ടുമാറില്ല.

വീടിന് പെയിന്റ് അടിയ്ക്കുമ്പോഴും പ്രത്യേകം ശ്രദ്ധിക്കണം. വല്ലാതെ കടുത്ത നിറങ്ങൾ വീടിന് ഉപയോഗിക്കാതിരിക്കുന്നതാണ് നല്ലത്. ചുവപ്പ്, പർപ്പിൾ എന്നീ നിറങ്ങൾ ഒഴിവാക്കാം. ഇവ മോശം ഊർജ്ജം വീടിനകത്ത് നിറയാൻ ഇടയാക്കും.