ഭഗവന്ത് കേസരി ടീസർ

നന്ദമൂരി ബാലകൃഷ്‌ണനെയും അർജുൻ രാംപാലിനെയും കേന്ദ്ര കഥാപാത്രങ്ങളാക്കി അനിൽ രവിപുഡി സംവിധാനം ചെയ്യുന്ന ഭഗവന്ത് കേസരി ടീസർ പുറത്തിറങ്ങി. ഐ ഡോണ്ട് കെയർ എന്നാണ് ടാഗ്‌ ലൈൻ. ടൈറ്റിൽ പോസ്റ്ററിൽ ഇന്ത്യയുടെ ദേശീയ ചിഹ്നമായ അശോക സ്‌തംഭവും ഉൾപ്പെടുത്തിയിട്ടുണ്ട്. മുട്ടുക്കുത്തി ആക്രോശത്തോടെ നിലത്ത് ആയുധം കുത്തിയിറക്കുന്ന നന്ദമൂരി ബാലകൃഷ്ണയെ പോസ്റ്ററിൽ കാണാം. സോൾട്ട് ആൻഡ് പെപ്പർ ലുക്കിലാണ്. മുഴുനീള ആക്ഷൻ എന്റർടെയ്നറായാണ് ചിത്രം ഒരുക്കുന്നത്. കാജൽ അഗർവാൾ നായികയാവുന്ന ചിത്രത്തിൽ ശ്രീലീല മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഷൈൻ സ്‌ക്രീൻസിന്റെ ബാനറിൽ സാഹു ഗണപതിയും ഹരീഷ് പെഡ്ഡിയും ചേർന്നാണ് നിർമ്മാണം. എസ്. തമൻ ആണ് സംഗീതം. സി. രാം പ്രസാദ് ഛായാഗ്രഹണം നിർവഹിക്കുന്നു. ദസറ റിലീസായി ചിത്രം തിയേറ്ററുകളിലെത്തും.