ബഹ്‌റൈനിൽ മലയാളി വിദ്യാർത്ഥി ബാൽക്കണിയിൽ നിന്ന് വീണ് മരിച്ചു

മനാമ: ബഹ്‌റൈനിൽ മലയാളി വിദ്യാർത്ഥി ബാൽക്കണിയിൽ നിന്ന് വീണ് മരിച്ച നിലയിൽ. കണ്ണൂർ പഴയങ്ങാടി മുട്ടം വെള്ളച്ചാൽ സ്വദേശി സയാൻ അഹമ്മദ് (14) ആണ് മരിച്ചത്.

ഇന്നലെ വൈകിട്ടായിരുന്നു സംഭവം. ബഹ്‌റൈൻ ജുഫൈറിലെ കെട്ടിടത്തിന്റെ 11-ാം നിലയിലെ ബാൽക്കണിയിൽ നിന്ന് വീണ നിലയിലാണ് മൃതദേഹം കാണപ്പെട്ടത്. ബഹ്‌റൈൻ ന്യൂ മില്ലേനിയം സ്കൂളിലെ പത്താം ക്ലാസ് വിദ്യാർത്ഥിയാണ് സയാൻ. ബിസിനസുകാരനായ ഷജീറിന്റെയും ഫായിസയുടെയും മകനാണ്. അടുത്തിടെയാണ് കുടുംബം ഒമാനിൽ നിന്ന് ബഹ്‌റൈനിൽ താമസമാരംഭിച്ചത്. മൃതദേഹം സല്‌മാനിയ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.