സോഫിയ: ഫുട്ബാളിൽ നിന്ന് വിരമിക്കൽ പ്രഖ്യാപിച്ച് മുൻ ബൽജിൻ നായകനും ചെൽസി, റയൽ മാഡ്രിഡ് ക്ലബുകളുടെ താരവുമായിരുന്ന ഈഡൻ ഹസാർഡ്. ശരിയായ സമയത്ത് നിറുത്തുകയാണ്. നമ്മൾ നമ്മളെത്തന്നെ കേൾക്കണം. 16 വർഷം നീണ്ട എഴുന്നൂറിലധികം മത്സരങ്ങൾ കളിഎന്റെ പ്രൊഫഷണൽ ഫുട്ബാൾ കരിയർ അവസാനപ്പിക്കുകയാണ്. -32 കാരനായ ഹസാർഡ് വിരമിക്കൽ പ്രഖ്യാപിച്ചുകൊണ്ട് ഇൻസ്റ്റഗ്രാമിൽ കുറിച്ച കുറിപ്പിൽ പറഞ്ഞു. അന്താരാഷ്ട്ര ഫുട്ബാളിൽ നിന്ന് കഴിഞ്ഞ ലോകകപ്പിൽ ബൽജിയം ആദ്യ റൗണ്ടിൽ പുറത്തായതിന് പിന്നാലെ ഹസാർഡ് വിരമിച്ചിരുന്നു.
ഈ സീസൺ തുടങ്ങുന്നതിന് തൊട്ടുമുൻപ് സ്പാനിഷ് സൂപ്പർ ക്ലബ് റയൽ മാഡ്രിഡിൽ നിന്ന് റിലീസ് ചെയ്യപ്പെട്ട ഹസാർഡിന് പിന്നീട് മറ്റൊരു ക്ലബ് കണ്ടെത്താനായിരുന്നില്ല. 2019ൽ ഇംഗ്ലീഷ് ക്ലബ് ചെൽസിയിൽ നിന്ന് റെക്കഡ് തുകയക്ക് റയൽ മാഡ്രിഡിൽ എത്തിയ ഹസാർഡിന് പക്ഷേ അവിടെ തിളങ്ങനായില്ല. പരിക്കും ഫോമില്ലായ്മയും കാരണം താളംകണ്ടെത്താൻ കഴിയാതിരുന്ന ഹസാർഡിന് മാഡ്രിഡിൽ 54 മത്സരങ്ങളിൽ നിന്ന് നേടാനായത് 4 ഗോളുകൾ മാത്രമാണ്. മാഡ്രിഡിനൊപ്പം ചാമ്പ്യൻസ് ലീഗ്,ലാലിഗ കിരീട നേട്ടങ്ങളിൽ പങ്കാളിയായി. അതേസമയം ചെൽസി ക്ലബിന്റെ സൂപ്പർ താരങ്ങളിൽ ഒരാളായാണ് ഹസാർഡ് പരിഗണിക്കപ്പെടുന്നത്. 2012മുതൽ 2019വരെ നീണ്ട ചെൽസി കരിയറിൽ പ്രിമിയർ ലീഗ്, യൂറോപ്പ ലീഗ്, ലീഗ് കപ്പ്,എഫ്.എ കപ്പ് എന്നിവയിലെ കിരീടങ്ങൾ സ്വന്തമാക്കി. 245 മത്സരങ്ങളിൽ നിന്ന്85 ഗോളുകൾ നേടി. പ്രിമിയർ ലീഗിൽ ഒരു സീസണിൽ 15ൽ അധികം ഗോളുകളും 15 അസിസ്റ്റും നൽകിയ 4 താരങ്ങളിൽ ഒരാളാണ് ഹസാർഡ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |