SignIn
Kerala Kaumudi Online
Friday, 01 March 2024 6.03 AM IST

ബസിൽ കുഞ്ഞിന് പാല് കൊടുത്ത യുവതിയ്ക്ക് നേരെ ലൈംഗികാതിക്രമം; പൊലീസുകാരന്  സസ്‌പെൻഷൻ

police

ഇടുക്കി: ബസിൽ വച്ച് യുവതിയോട് അപമര്യാദയായി പെരുമാറിയ പൊലീസുകാരന് സസ്പെൻഷൻ. ഇടുക്കി പെരുവന്താനം സ്റ്റേഷനിലെ സിവിൽ പൊലീസ് ഓഫീസറായ അജാസ് മോനെയാണ് ജില്ലാ പൊലീസ് മേധാവി സസ്പെൻഡ് ചെയ്തത്. സംഭവത്തിൽ പ്രതിയെ നേരത്തെ പൊൻകുന്നം പൊലീസ് അറസ്റ്റ് ചെയ്തിരുന്നു. ഇന്നലെ വെെകുന്നേരമാണ് കേസിന് ആസ്പദമായ സംഭവം നടന്നത്.

യാത്ര ചെയ്യുന്നതിനിടെ യുവതിയെ കടന്നുപിടിച്ചെന്നാണ് അജാസിനെതിരെയുളള പരാതി.കോട്ടയത്തുനിന്ന് മുണ്ടക്കയത്തേക്ക് യാത്ര തിരിച്ച യുവതിക്കാണ് ബസിൽ ദുരനുഭവമുണ്ടായത്. ഒമ്പത് മാസം പ്രായമായ കുഞ്ഞും യുവതിക്കൊപ്പം ഉണ്ടായിരുന്നു. യാത്രയ്ക്കിടെ യുവതി കുഞ്ഞിന് പാല് കൊടുക്കുന്ന സമയത്തായിരുന്നു അതിക്രമം. സംഭവത്തിന് പിന്നാലെ പൊൻകുന്നത്തുവെച്ച് യുവതി ബസിൽ നിന്നിറങ്ങി മറ്റൊരു ബസിൽ കയറിയിരുന്നു. യുവതിയെ പിൻതുടർന്നെത്തിയ ഇയാളും അതേ ബസിൽ കയറുകയായിരുന്നു.

തുടർന്ന് പരാതിക്കാരി ഭർത്താവിനെയും ബന്ധുക്കളെയും വിവരമറിയിച്ചു. ബസ് കാഞ്ഞിരപ്പള്ളിയിൽ എത്തിയപ്പോൾ യുവതി ഇവിടെയിറങ്ങി. പ്രതിയും കാഞ്ഞിരപ്പളളിയിൽ ഇറങ്ങുകയായിരുന്നു. ഇതോടെ സ്ഥലത്തുണ്ടായിരുന്ന യുവതിയുടെ ബന്ധുക്കൾ അജാസിനെ പിടികൂടുകയും പൊലീസിന് കൈമാറുകയും ചെയ്തു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: CASE DIARY, SUSPENDED, POLICE
KERALA KAUMUDI EPAPER
TRENDING IN CASE DIARY
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.