ഹോട്ട് ഫോട്ടോഷൂട്ടുമായി വീണ്ടും റിമ കല്ലിംഗൽ,​ ചിത്രങ്ങൾ വൈറൽ

ഗ്ലാമറസ് ചിത്രങ്ങൾ പങ്കുവയ്ക്കുന്നതിലൂടെ വിമർശനം നേരിടുന്ന താരമാണ് റിമ കല്ലിംഗൽ. ഇപ്പോഴിതാ പുത്തൻലുക്കിലുള്ള ചിത്രങ്ങൾ പങ്കുവച്ചിരിക്കുകയാണ് റിമ. ചുവപ്പ് ഡ്രസിൽ കടൽതീരത്ത് നിന്നുള്ള ഫോട്ടോഷൂട്ട് ചിത്രങ്ങളാണ് താരം പോസ്റ്റ് ചെയ്തിരിക്കുന്നത്. യുവനടിമാരെ പോലും വെല്ലുന്ന രീതിയിൽ ഗ്ലാമറസായാണ് റിമ എത്തുന്നത്. മാലി ദ്വീപിൽ നിന്നുള്ള ചിത്രങ്ങളാണെന്നാണ് സൂചന. വിഷ്ണു സന്തോഷാണ് ഫോട്ടോഗ്രാഫർ.

നേരത്തെ മാലിദ്വീപ് യാത്രയിൽനിന്നുള്ള ചിത്രങ്ങൾ റിമ പങ്കുവച്ചിരുന്നു. ബിക്കിനി ചിത്രങ്ങളാണ് മുൻപ് പങ്കുവച്ചത്.ഷോർട്സ് ധരിച്ച് ഹോട്ട് ലുക്കിലുള്ള ചിത്രങ്ങളും ഇതിലുണ്ടായിരുന്നു. വിഷ്ണു സന്തോഷാണ് ഈ ചിത്രങ്ങളും പകർത്തിയത്.

14 വർഷമായി അഭിനയരംഗത്ത് സജീവമാണ് റിമ . ഋതു എന്ന സിനിമയിലൂടെ അഭിനയ രം​ഗത്തേക്ക് കടന്ന് വന്ന റിമയ്ക്ക് പിന്നീട് കൈ നിറയെ അവസരങ്ങൾ ലഭിച്ചു. നീലത്താമര, അയാളും ഞാനും തമ്മിൽ തുടങ്ങിയ സിനിമകളിൽ ശ്രദ്ധേയ വേഷങ്ങളാണ് റിമ ചെയ്തത്. 22 ഫീമെയിൽ കോട്ടയം സിനിമയിലെ അഭിനയത്തിലൂടെ മികച്ച നടിക്കുള്ള സംസ്ഥാന അംഗീകാരം തേടിയെത്തിയിരുന്നു. ആഷിഖ് അബു സംവിധാനം ചെയ്ത നീലവെളിച്ചം ആണ് റിമ നായികയായി ഒടുവിൽ പുറത്തിറങ്ങിയ ചിത്രം.