മാലെ : മാലദ്വീപിൽ പ്രോസിക്യൂട്ടർ ജനറൽ ഹുസൈൻ ഷമീമിന് കുത്തേറ്റു. മാലദ്വീപ് ഡെമോക്രാറ്റിക് പാർട്ടി ( എം.ഡി.പി )യുടെ നേതൃത്വത്തിലെ മുൻ സർക്കാർ നിയമിച്ച ഇദ്ദേഹത്തിന് നേരെ ഇന്നലെ പുലർച്ചെയാണ് അജ്ഞാതരുടെ ആക്രമണമുണ്ടായത്.
ഇദ്ദേഹം അപകടനില തരണം ചെയ്തെന്നാണ് വിവരം. ആക്രമണത്തിന് മുയിസു സർക്കാരും പ്രതിപക്ഷവും തമ്മിൽ നിലനിൽക്കുന്ന ഭിന്നതകളുമായി ബന്ധമുണ്ടോ എന്ന് വ്യക്തമല്ല. എം.ഡി.പി കഴിഞ്ഞ ദിവസം പ്രസിഡന്റ് മുഹമ്മദ് മുയിസിവിനെതിരെ ഇംപീച്ച്മെന്റ് പ്രമേയ നീക്കം തുടങ്ങിയിരുന്നു. പ്രസിഡന്റിനെതിരെ ഇംപീച്ച്മെന്റ് നടപടികൾ എളുപ്പമാക്കുന്ന പാർലമെന്റ് നിയമങ്ങൾക്കെതിരെ സർക്കാർ സുപ്രീം കോടതിയെ സമീപിച്ചിട്ടുണ്ട്.
ഇതിനിടെ, മുയിസു ഇന്ത്യൻ ജനതയോടും പ്രധാനമന്ത്രി നരേന്ദ്ര മോദിയോടും ഔദ്യോഗികമായി മാപ്പ് പറയണമെന്ന് പ്രതിപക്ഷത്തുള്ള ജുമൂരി പാർട്ടി നേതാവ് ഖാസിം ഇബ്രാഹിം പറഞ്ഞു. ഇന്ത്യയുമായുള്ള ബന്ധത്തിലെ വിള്ളൽ ഇല്ലാതാക്കണമെന്നും ചൈനീസ് അനുകൂലിയായ മുയിസുവിനോട് ഇബ്രാഹിം ആവശ്യപ്പെട്ടു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |