ചങ്ങനാശ്ശേരി : കുറിച്ചി ഗ്രാമ പഞ്ചായത്തിലെ ഉൾനാടൻ മത്സ്യത്തൊഴിലാളികൾക്ക് ജനകീയാസൂത്രണ പദ്ധതി 2023 - 24 പ്രകാരം വാർഷിക പദ്ധതിയിൽ ഉൾപ്പെടുത്തി വള്ളവും വലയും വിതരണം ചെയ്തു.
വിതരണോദ്ഘാടനം ഗ്രാമ പഞ്ചായത്ത് പ്രസിഡന്റ് സുജാത സുശീലൻ നിർവഹിച്ചു.
വൈസ് പ്രസിഡന്റ് കെ ആർ ഷാജി അദ്ധ്യക്ഷനായി.
2023 - 24 വാർഷിക പദ്ധതി പ്രകാരം 2 ലക്ഷം രൂപ വകയിരുത്തി 4 വള്ളവും വലയും ആണ് വിതരണം നടത്തിയത്.2022- 23 വർഷം 5 ലക്ഷം രൂപ വകയിരുത്തി 8 വള്ളവും വലയും നൽകിയിരുന്നു.
സ്റ്റാൻഡിംഗ് കമ്മറ്റി ചെയർപേഴ്സൺ കെ പ്രീതാകുമാരി , വാർഡ് മെമ്പർമാരായ പൊന്നമ്മ സത്യൻ, ബിജു എസ് മേനോൻ, അനീഷ് തോമസ്, മുൻ ജില്ലാ പഞ്ചായത്ത് മെമ്പർ ബിജു തോമസ്, ഫിഷറീസ് ഓഫീസർ ശ്യാമാധരൻ, കോഓർഡിനേറ്റർ പ്രജിത, മത്സ്യത്തൊഴിലാളി സഹകരണ സംഘം പ്രസിഡന്റ് പി കെ സിബി , വി.എൻ വിജിത്ത്എന്നിവർ പ്രസംഗിച്ചു.