കൊച്ചി: മീനച്ചൂടെത്തും മുൻപേ പാമ്പുകൾ പുറത്തിറങ്ങാൻ തുടങ്ങിക്കഴിഞ്ഞു. ചൂടുകാലത്താണ് പാമ്പുകൾ മാളങ്ങൾ ഉപേക്ഷിച്ച് പുറത്തിറങ്ങുന്നത്. ഇക്കുറി ചൂട് നേരത്തെയെത്തിയതിനാൽ തണുപ്പ് തേടി ഇവ പുറത്തേക്ക് വരുന്നതിനാൽ ശ്രദ്ധ കൂടുതൽ വേണം. നാട്ടിൻ പുറങ്ങളിൽ മാത്രമല്ല, നഗരപ്രദേശങ്ങളിലും ഇപ്പോൾ പാമ്പു ശല്യം പതിവാണ്.
ഡിസംബർ, ജനുവരി, ഫെബ്രുവരി മാസങ്ങളിൽ മൂർഖന് ഇണചേരൽ കാലമാണ്. അണലിയുടെ മുട്ടയിടൽ കാലഘട്ടവും ഇതേ മാസങ്ങളാണ്. തണൽപ്രദേശത്തെ പൊന്തക്കാടുകളും നനവും മാലിന്യവും നിറഞ്ഞ പ്രദേശങ്ങളുമാണ് ഇഷ്ടയിടങ്ങൾ. പാമ്പുകളെ വീട്ടുപരിസരത്ത് നിന്ന് അകറ്റി നിറുത്തുവാനാണ് ശ്രദ്ധിക്കേണ്ടത്.
കരുതൽ മുൻപേയെടുക്കാം
വീടും പരിസരവും വൃത്തിയായി സൂക്ഷിക്കണം.
പുറത്ത് സൂക്ഷിക്കുന്ന ഷൂ, ഹെൽമറ്റ് പോലുള്ളവ ധരിക്കും മുമ്പ് പരിശോധിക്കുക.
ഇരുട്ടത്ത് തറയിൽ ശബ്ദത്തോടെ ചവിട്ടി നടക്കുക
കുറ്റിക്കാടുകളിലും സമീപത്തും വാഹനം പാർക്ക് ചെയ്യുന്നത് ഒഴിവാക്കുക
മൂന്നാഴ്ച ഇടവിട്ട് വീടിന് ചുറ്റും ഡീസലോ മണ്ണെണ്ണയോ വെള്ളംചേർത്ത് സ്പ്രേ ചെയ്യുക
സഹായത്തിനുണ്ട് പരിശീലനം ലഭിച്ച വിദഗ്ദ്ധർ
പാമ്പിന്റെ ശല്യമുണ്ടായാൽ ഭയക്കേണ്ടതില്ല. പരിശീലനം ലഭിച്ച വനംവകുപ്പിന്റെ വാളന്റിയർമാരും ഫയർ ഫോഴ്സിന്റെ സിവിൽ ഡിഫൻസ് അംഗങ്ങളും സ്ഥലത്തെത്തും. വനംവകുപ്പിന്റെ സർപ്പ ആപ്പ് മൊബൈലിൽ ഇൻസ്റ്റാൾ ചെയ്താൽ പാമ്പിനെക്കുറിച്ചുള്ള എല്ലാ വിവരങ്ങളും ലഭ്യമാണ്. തൊട്ടടുത്തുള്ള വൊളണ്ടിയർമാരെ ബന്ധപ്പെടാനും കഴിയും. ഇവർ പിടിക്കുന്ന പാമ്പുകളെ വനംവകുപ്പിന് കൈമാറും.
കടിയേറ്റാൽ
• സമാധാനത്തോടെ കൈകാര്യം ചെയ്യുക, കടിയേറ്റ ആളെ പരിഭ്രാന്തനാക്കരുത്.
• രക്തയോട്ടം തടസപ്പെടുത്താതെ മുറിവിന് അരയടിക്ക് മുകളിൽ തുണി കൊണ്ടുകെട്ടുക.
• കാലിനാണ് കടിയേറ്റതെങ്കിൽ കിടത്താതെ ഇരുത്തി കാല് ഉയർത്തി വച്ചുവേണം ആശുപത്രിയിൽ എത്തിക്കേണ്ടത്.
• രക്തം പരിശോധിച്ചാണ് വിഷസാന്നിദ്ധ്യം അറിയേണ്ടത്. ഉടനെ ആശുപത്രിയിൽ എത്തിക്കലാണ് പ്രധാനം.
വനംവകുപ്പ് അംഗീകൃത വാളന്റിയർമാർ
• പാലാരിവട്ടം : ക്രിസ്റ്റൽ ഹാർത്ത് സിംഗ് : 9895031123
• ഇടപ്പള്ളി: സന്ദീപ് കെ.ദാസ് : 9496319648
• തോപ്പുംപടി : ബേസിൽ പീറ്റർ: 9947263720
• മട്ടാഞ്ചേരി : ഷമീർ, : 8891804540
• കണ്ണമാലി: ജോൺ രാജേഷ് : 8289994162
• ചെല്ലാനം: സെബാസ്റ്റ്യൻ : 9349249678
• ആലുവ : മിലൻ ജോസഫ് : 9075214878
• കടവന്ത്ര: നിസാം സലീം : 9645267738
• കടവന്ത്ര: വിദ്യാ രാജു: 9496451335
• ഫോർട്ടുകൊച്ചി : ഗീതേഷ് : 9605125077
• മട്ടാഞ്ചേരി : ടി.എസ്.കൃഷ്ണകുമാർ : 7736204737
ചികിത്സ ലഭിക്കുന്ന ആശുപത്രികൾ
• കളമശേരി മെഡിക്കൽ കോളേജ്
• എറണാകുളം ജനറൽ ആശുപത്രി
• അമൃത ആശുപത്രി
• ആസ്റ്റർ മെഡ്സിറ്റി
• എറണാകുളം മെഡിക്കൽ ട്രസ്റ്റ്
• ലേക്ഷോർ ആശുപത്രി
• ലിറ്റിൽ ഫ്ളവർ, അങ്കമാലി
• ചാരീസ്, മൂവാറ്റുപുഴ
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |