ന്യൂഡൽഹി: വൈവ നടക്കുന്നതിനിടെ അദ്ധ്യാപകൻ മെഡിക്കൽ വിദ്യാർത്ഥിനിയെ ലൈംഗികമായി പീഡിപ്പിച്ചതായി പരാതി. ഡൽഹി സർക്കാർ മെഡിക്കൽ കോളേജിലെ എംബിബിഎസ് വിദ്യാർത്ഥിനിയാണ് പരാതി നൽകിയത്.
പ്രാക്ടിക്കൽ വൈവ നടക്കുന്നതിനിടെ അടുത്തേക്ക് കസേര വലിച്ചിട്ടിരുന്ന പ്രൊഫസർ അനാവശ്യമായ ചോദ്യങ്ങൾ ചോദിച്ചു. സാധാരണ അദ്ധ്യാപകർ എതിർവശത്തിരുന്നാണ് വിദ്യാർത്ഥികളോട് ചോദ്യങ്ങൾ ചോദിക്കുന്നത്. എന്നാൽ തൊട്ടടുത്തിരുന്നു ചോദ്യം ചോദിച്ച അദ്ധ്യാപകൻ, ചില രോഗങ്ങളെക്കുറിച്ച് ചോദിച്ച ശേഷം ശരീരത്തിൽ സ്പർശിക്കുകയും ചെയ്തു. സഹകരിച്ചില്ലെങ്കിൽ എഴുത്ത് പരീക്ഷയിലെ മാർക്കിൽ അത് പ്രതിഫലിക്കുമെന്ന് ഭീഷണിപ്പെടുത്തുകയും ചെയ്തു.
മെഡിക്കൽ കോളേജിലെ മറ്റ് വിദ്യാർത്ഥികൾക്കും ഇയാളിൽ നിന്ന് മോശം പെരുമാറ്റം ഉണ്ടായിട്ടുണ്ടെന്നും ഭയം കാരണം ആരും പരാതിപ്പെടുന്നില്ലെന്നും പെൺകുട്ടി നൽകിയ പരാതിയിൽ പറയുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |