ഹൈദരാബാദ്: വീട്ടിൽ അതിക്രമിച്ച് കയറിയ ആയുധധാരികളായ രണ്ടുപേരെ വകവരുത്തി അമ്മയും മകളും. ഹൈദരാബാദിലെ ബേഗംപേട്ട് ഏരിയയിലാണ് സംഭവം. 42കാരിയായ അമിതാ മെഹോട്ടും മകളും ചേർന്നാണ് സ്ത്രീകൾ മാത്രമുള്ള വീട്ടിൽ കയറി ഭീഷണിപ്പെടുത്തി പണം തട്ടാൻ ശ്രമിച്ച കള്ളന്മാരെ മർദിച്ചത്.
കൊറിയർ കമ്പനിയുടെ ഡെലിവറി ബോയ്സ് എന്ന് പറഞ്ഞാണ് രണ്ട് യുവാക്കൾ പൈഗാ കോളനിയിലുള്ള മെഹോട്ടിന്റെ വീട്ടിലെത്തിയത്. വാതിൽ തുറന്ന വീട്ടുജോലിക്കാരിയോട് തങ്ങൾ പാഴ്സൽ കൊണ്ടുവന്നതാണെന്ന് പറഞ്ഞ് വീടിനുള്ളിൽ കയറി. തുടർന്ന് ഇവരുടെ കൈവശമുണ്ടായിരുന്ന തോക്കും കത്തിയും പുറത്തെടുത്തു.
This #Hyderabad mother-daughter duo is earning all praise by police and others, and rightly so. They fought off two armed robbers who intruded into their house. Robbers posed as courier delivery boys. What they didn’t know was the lady of the house was martial arts trained! (TW) pic.twitter.com/UjLzjLMjVP
— Rishika Sadam (@RishikaSadam) March 22, 2024
വീട്ടിലുള്ള വിലപിടിപ്പുള്ള വസ്തുക്കൾ കൈമാറിയില്ലെങ്കിൽ അമ്മയെയും മകളെയും കൊന്നുകളയുമെന്ന് ഇവർ ഭീഷണിപ്പെടുത്തി. എന്നാൽ, സ്ത്രീയും മകളും ബുദ്ധിപൂർവം അക്രമികളുടെ കയ്യിൽ നിന്നും ആയുധങ്ങൾ തട്ടിയെടുത്തു. ഓടിപ്പോകാൻ ശ്രമിച്ച ഇരുവരെയും തടിക്കഷ്ണം ഉപയോഗിച്ച് ഇവർ മർദിക്കുകയും ചെയ്തു. ഇതിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്.
സിസിടിവി ദൃശ്യങ്ങളുടെ അടിസ്ഥാനത്തിൽ രണ്ട് യുവാക്കളെയും പൊലീസ് അറസ്റ്റ് ചെയ്തു. ധീരമായ ഇടപെടലിന് അമ്മയെയും മകളെയും ഹൈദരാബാദ് പൊലീസ് അഭിനന്ദിച്ചു. വീട്ടിലെത്തി ഇവരെ ആദരിക്കുകയും ചെയ്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |