ചെന്നൈ: വീരപ്പന്റെ മകൾ വിദ്യാറാണി ബി.ജെ.പി വിട്ട് നടനും സംവിധായകനുമായ സീമാൻ നേതൃത്വത്തിലുള്ള നാം തമിഴർകക്ഷിയിൽ ചേർന്നു. പാർലമെന്റ് തിരിഞ്ഞെടുപ്പിൽ കൃഷ്ണഗിരിയിൽ നിന്നും മത്സരിക്കും. നാലുവർഷം മുമ്പാണ് വിദ്യാറാണി ബി.ജെ.പിയിൽ ചേർന്നത്.
ഒറ്റയ്ക്കാണ് തീവ്രതമിഴ് പാർട്ടിയായ നാം തമിഴർ കക്ഷി ഇത്തവണയും മത്സരിക്കുന്നത്. പുതുച്ചേരി ഉൾപ്പെടെ 40 മണ്ഡലങ്ങളിലെയും സ്ഥാനാർത്ഥികളെ പ്രഖ്യാപിച്ചു. 20 പേർ സ്ത്രീകളാണ്. പാർട്ടി നേരത്തെ ഉപയോഗിച്ചിരുന്ന കരിമ്പ് കർഷകന്റെ ചിഹ്നത്തിനു പകരം മൈക്ക് ചിഹ്നമാണ് തിരഞ്ഞെടുപ്പ് കമ്മിഷൻ അനുവദിച്ചത്. ഇതിനെതിരെ സീമാൻ സുപ്രീംകോടതിയിൽ സീമാൻ അപ്പീൽ നൽകി. ഏപ്രിൽ ഒന്നിനകം ഇക്കാര്യത്തിൽ തിരഞ്ഞെടുപ്പ് കമ്മിഷൻ മറുപടി നൽകണം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |