അമേരിക്കയിൽ ചരക്കുകപ്പൽ ഇടിച്ച് പാലം തകർന്നു, വെളളത്തിൽ വീണ നിരവധി പേരെ കാണാതായി

ന്യൂയോർക്ക്: അമേരിക്കയിലെ ബാൾട്ടിമോറിലെ ഫ്രാൻസിസ് സ്കോട്ട് കീ പാലം തകർന്ന് നിരവധി പേരെ കാണാതായി. ചരക്കുകപ്പൽ പാലത്തിലിടിച്ചാണ് അപകടമുണ്ടായത്. ഇന്ന് പുലർച്ചയോടെയായിരുന്നു സംഭവം. ചരക്കുകപ്പൽ പാലത്തിന്റെ തൂണിൽ വന്നിടിക്കുകയായിരുന്നു.

The Francis Scott Key Bridge in Baltimore, Maryland which crosses the Patapsco River has reportedly Collapsed within the last few minutes after being Struck by a Large Container Ship; a Mass Casualty Incident has been Declared with over a Dozen Cars and many Individuals said to… pic.twitter.com/SsPMU8Mjph

— OSINTdefender (@sentdefender) March 26, 2024

സംഭവ സമയത്ത് പാലത്തിലൂടെ സഞ്ചരിച്ചിരുന്ന വാഹനങ്ങൾ നദിയിലേക്ക് വീഴുകയായിരുന്നു. വെളളത്തിൽ വീണ 20ഓളം പേർ കാണാതായെന്നാണ് റിപ്പോർട്ട്. ഇവർക്കായുളള തിരച്ചിൽ നടന്നുവരികയാണ്. 2.5 കിലോമീറ്റർ നീളമുളള സ്കോട്ട് കീ പാലത്തിന്റെ വലിയ ഭാഗം മുഴുവനായി തകർന്ന് വെളളത്തിലേക്ക് വീഴുകയായിരുന്നു.