കൊച്ചി: എം.ഡി.എം.എയുമായി തൃശൂർ സ്വദേശികളായ യുവാവിനെയും യുവതിയെയും കൊച്ചി സിറ്റി പൊലീസ് പിടികൂടി. അരിപ്പാലം വെളിപ്പറമ്പ് ആന്റണി നെൽവിൻ (28), ഇരിങ്ങാലക്കുട ഇടതിരിത്തി മാങ്കാട്ടിൽ എം.യു. അമീഷ (23) എന്നിവരാണ് പിടിയിലായത്.
വില്പനയ്ക്കായി സൂക്ഷിച്ചിരുന്ന 74 ഗ്രാം എം.ഡി.എം.എ ഇവരുടെ പക്കൽനിന്ന് കണ്ടെടുത്തു. ഇടപ്പള്ളി കുന്നുംപുറം അമൃതാ ഹോസ്പിറ്റൽ റോഡിലുള്ള ലോഡ്ജിൽനിന്നാണ് പ്രതികളെ പിടികൂടിയത്. കൊച്ചി സിറ്റി ഡാൻസാഫ് ടീമും ചേരാനല്ലൂർ പൊലീസും ചേർന്നാണ് പരിശോധിച്ചത്. പ്രതികളെ റിമാൻഡ് ചെയ്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |