തൃശൂർ: യു.ഡി.എഫ് സ്ഥാനാർത്ഥി കെ. മുരളീധരനും എൻ.ഡി.എ സ്ഥാനാർത്ഥി സുരേഷ് ഗോപിയും ഇന്ന് പത്രിക സമർപ്പിക്കും. ഇന്ന് രാവിലെ 11ന് അയ്യന്തോൾ അമർ ജവാൻ ജ്യോതി മണ്ഡപത്തിൽ പുഷ്പാർച്ചന നടത്തിയ ശേഷമാകും സുരേഷ് ഗോപി കളക്ടറേറ്റിലെത്തി നാമനിർദ്ദേശ പത്രിക സമർപ്പിക്കുക. മുരളീധരൻ പടിഞ്ഞാറെക്കോട്ടയിലെ ലീഡർ സ്‌ക്വയറിൽ കെ. കരുണാകരന്റെ പ്രതിമയിൽ പുഷ്പാർച്ചന നടത്തി പദയാത്രയായാണ് കളക്ടറേറ്റിലെത്തുക.