എരമല്ലൂർ: എഴുപുന്ന ഗ്രാമപഞ്ചായത്ത് 10,11,12 വാർഡുകളിലെ 176 കുടുംബങ്ങളുടെ കൂട്ടായ്മയായ "നട്ടൊരുമ"റെസിഡന്റ്സ് അസോസിയേഷൻ വാർഷികം 21 ന് എരമല്ലൂർ മെൻ ഒഫ് ആർട്സ് ഗ്രൗണ്ടിൽ നടക്കും. രാവിലെ 9 ന് രക്ഷാധികാരി വി.എം.തിലകൻ ലയനാലയം പതാക ഉയർത്തും.വൈകിട്ട് 3ന് പ്രസിഡന്റ് ടോമി മാളിയേക്കലിന്റെ അദ്ധ്യക്ഷതയിൽ വാർഷിക പൊതുയോഗവും വൈകിട്ട് 5 ന് സാംസ്കാരിക സമ്മേളനവും നടക്കും. കേരള സംസ്ഥാന വിമുക്തി മിഷൻ അവതരിപ്പിക്കുന്ന ബോധവത്കരണ ക്ലാസും ഓട്ടൻ തുള്ളലും എറണാകുളം ജില്ലാ അസി. എക്സൈസ് ഇൻസ്പെക്ടർ വി.ജയരാജ് അവതരിപ്പിക്കും. കോൺഫെഡറേഷൻ ഒഫ് റെസിഡന്റ്സ് വെൽഫെയർ അസോസിയേഷൻ ജില്ലാസെക്രട്ടറി ഡോ.സെബാസ്റ്റ്യൻ സമ്മേളനം ഉദ്ഘാടനം ചെയ്യും. തുടർന്ന് ആദരിക്കൽ, സമ്മാനദാനം, കലാപരിപാടികൾ,ഫാഷൻ ഷോ.