കൽപ്പറ്റ: പിണറായി വിജയൻ കമ്മ്യൂണിസ്റ്റ് ലീഡറല്ലെന്നും 'കമ്മ്യൂണലിസ്റ്റ്' ലീഡറാണെന്നും തെലുങ്കാന മുഖ്യമന്ത്രി രേവന്ത് റെഡ്ഡി. വയനാട് ലോക്സഭാ മണ്ഡലം യു.ഡി.എഫ് സ്ഥാനാർത്ഥി രാഹുൽ ഗാന്ധിയുടെ തിരഞ്ഞെടുപ്പ് പ്രചാരണാർഥം ടി. സിദ്ദീഖ് എം.എൽ.എ നടത്തിയ ജാഥ ഉദ്ഘാടനം ചെയ്യുകയായിരുന്നു അദ്ദേഹം. തെലങ്കാനയിലെ 17 സീറ്റുകളിൽ 14ലും ഇന്ത്യ മുന്നണി വിജയിക്കും. കേരളത്തിലെ ജനങ്ങൾ കഠിനാദ്ധ്വാനികളും ബുദ്ധിശക്തിയുമുള്ളവരുമാണ്. മലയാളികളുടെ കഠിനാദ്ധ്വാനം ഗൾഫ് രാജ്യങ്ങൾക്ക് ഗുണം ചെയ്യുന്നുണ്ടെങ്കിലും കേരളത്തിന് യാതൊരു പ്രയോജനവും ഉണ്ടാകുന്നില്ല. അതിനു കാരണം കേരളത്തിലെ ജനങ്ങളല്ല. എൽ.ഡി.എഫ് സർക്കാരും പിണറായി വിജയന്റെയും കുടുംബത്തിന്റെയും അഴിമതിയുമാണെന്നും അദ്ദേഹം പറഞ്ഞു.

.