കാലാവധിക്കു മുൻപേ ലിസ്റ്റ് അവസാനിക്കാൻ സാദ്ധ്യത
തിരുവനന്തപുരം :വി.എച്ച്.എസ്.ഇ നോൺ വൊക്കേഷണൽ ടീച്ചർ മാത്തമാറ്റിക്സ് ജൂനിയർ ഷോർട്ട് ലിസ്റ്റിന്റെ മെയിൻ ലിസ്റ്റിൽ 10 പേരെ മാത്രം ഉൾപ്പെടുത്തി പി.എസ്.സി . ഇതേ തസ്തികയിലേക്ക് കഴിഞ്ഞ ലിസ്റ്റിൽ നിന്ന് 105 പേർക്ക് നിയമന ശുപാർശ ലഭിച്ചപ്പോഴാണ് ഇക്കുറി 10 പേരെ മാത്രം ഉൾപ്പെടുത്തിയത്.
മെയിൻ ലിസ്റ്റിൽ 10,സപ്ലിമെന്ററി ലിസ്റ്റിൽ 55,ഭിന്നശേഷി ലിസ്റ്റിൽ 7 എന്നിങ്ങനെ 72 പേരാണ് ലിസ്റ്റിലുള്ളത്. മെയിൻ ലിസ്റ്റിനൊപ്പം മാത്രമേ സപ്ലിമെന്ററി ലിസ്റ്റിന് നിലനിൽപ്പുള്ളൂ എന്നിരിക്കെ സപ്ലിമെന്ററി ലിസ്റ്റിൽ 55 പേരെയാണ് ഉൾപ്പെടുത്തിയത്. മെയിൻ ലിസ്റ്റിൽ ആവശ്യത്തിന് ഉദ്യോഗാർത്ഥികളെ ഉൾപ്പെടുത്താത്തതിനാൽ കാലാവധി പൂർത്തിയാക്കാതെ ലിസ്റ്റ് അവസാനിക്കുമെന്നാണ് ഉദ്യോഗാർത്ഥികൾ പറയുന്നത്.
ഈ തസ്തികയുടെ 5 ഒഴിവാണ് പി.എസ്.സിയിൽ റിപ്പോർട്ട് ചെയ്തിട്ടുള്ളത്. 3 വർഷ കാലാവധിക്കുള്ളിൽ കൂടുതൽ ഒഴിവുകൾ റിപ്പോർട്ട് ചെയ്യാൻ സാദ്ധ്യതയുമുണ്ട്. 2015 ജൂൺ 22ന് നിലവിൽ വന്ന മുൻ ലിസ്റ്റ് 2018 ജൂൺ 21ന് അവസാനിച്ചിരുന്നു.
സയന്റിഫിക് അസിസ്റ്റന്റ് മെയിൻ ലിസ്റ്റിലും10 പേർ
മെഡിക്കൽ വിദ്യാഭ്യാസ വകുപ്പിൽ സയന്റിഫിക് അസിസ്റ്റന്റ് (അനാട്ടമി) ഷോർട്ട് ലിസ്റ്റിന്റെ മെയിൻ ലിസ്റ്റിലും 10 പേർ മാത്രമാണുള്ളത് . സപ്ലിമെന്ററി ലിസ്റ്റിൽ 57,ഭിന്നശേഷി ലിസ്റ്റിൽ 5 എന്നിങ്ങനെ 72 പേരാണ് ലിസ്റ്റിൽ ഉൾപ്പെട്ടത്. ഈ തസ്തികയുടെ ഒരു ഒഴിവാണ് ഇതുവരെ റിപ്പോർട്ട് ചെയ്തിട്ടുള്ളത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |