കോഴിക്കോട്: കോഴിക്കോട് കുറ്റിക്കാട്ടൂരിൽ കടയരികിൽ കയറിനിന്ന വിദ്യാർത്ഥി ഷോക്കേറ്റ് മരിച്ച സംഭവത്തിൽ കെഎസ്ഇബിയുടെ പ്രാഥമിക റിപ്പോർട്ട് പുറത്ത്. പുതിയോട്ടിൽ ആലി മുസ്ലിയാരുടെ മകൻ മുഹമ്മദ് റിജാസ് (19) ആണ് മരിച്ചത്. റിജാസ് കയറിനിന്ന കടയിലെ വയറിംഗിലും സര്വീസ് വയറിലും ചോര്ച്ചയുണ്ടായിരുന്നു എന്നാണ് കെഎസ്ഇബിയുടെ കണ്ടെത്തല്.
നല്ല മഴ പെയ്തുകൊണ്ടിരിക്കെയാണ് റിജാസ് കടവരാന്തയില് കയറി നിന്നത്. ഈ സമയത്ത് മുകളിലെ മരച്ചില്ലകളില് അമര്ന്ന് സര്വീസ് വയര് കടയുടെ തകരഷീറ്റില് തട്ടിയിരിക്കാം. ഇതുവഴി വൈദ്യുതി തൂണിലുമെത്തിയതാകാം. കടയിലെ വയറിംഗില് പ്രശ്നമുള്ളതിനാല് രാത്രി പ്രവർത്തിച്ച ബൾബിന്റെ വയറിലെ ചോർച്ചയിലൂടെയും തൂണിലേക്ക് വൈദ്യുതി പ്രവഹിച്ചതാകാനും ഇടയുണ്ടെന്നും കെഎസ്ഇബി റിപ്പോർട്ടിൽ പറയുന്നു. തലേന്ന് പകല് പരാതി ലഭിച്ചതിനെ തുടര്ന്ന് ഉദ്യോഗസ്ഥര് പരിശോധിച്ചതാണ്. എന്നാല് അപ്പോള് ലീക്കുള്ളതായി കണ്ടെത്തിയിരുന്നില്ലെന്നും റിപ്പോര്ട്ടില് പറയുന്നു. കൂടുതല് മൊഴിയെടുത്ത ശേഷം അന്തിമ റിപ്പോര്ട്ട് വൈദ്യുത മന്ത്രിക്ക് കൈമാറും.
ഞായറാഴ്ച പുലര്ച്ചെ ഒരു മണിയോടെയാണ് അപകടം സംഭവിച്ചത്. കടവരാന്തയില് കയറി സഹോദരനെ കാത്തുനില്ക്കവെയാണ് റിജാസിന് ഷോക്കേറ്റത്. സംഭവസമയത്ത് അവിടെയെത്തിയ സഹോദരൻ റാഫിക്കും ഷോക്കേറ്റിരുന്നു. സംഭവത്തിന് പിന്നാലെ കെഎസ്ഇബി ഉദ്യോഗസ്ഥര്ക്കെതിരെ പരാതിയുമായി റിജാസിന്റെ കുടുംബം രംഗത്തെത്തിയിരുന്നു. തൂണില് ഷോക്കുണ്ടെന്ന് നേരത്തെ പരാതി നല്കിയിട്ടും കെഎസ്ഇബിയില് നിന്ന് വേണ്ടത്ര ശ്രദ്ധയുണ്ടായില്ലെന്നാണ് പരാതി.
കടയുടെ മുകളിലെ മരത്തില് വൈദ്യുതി ലൈൻ തട്ടിനില്ക്കുന്നത് വഴിയും കടയിലേയ്ക്ക് വൈദ്യുത പ്രവാഹമുണ്ടെന്ന് പരാതിപ്പെട്ടിരുന്നതായി നാട്ടുകാരും പറയുന്നുണ്ട്. കെഎസ്ഇബി ഉദ്യോഗസ്ഥര്ക്ക് വീഴ്ച ഉണ്ടായിട്ടുണ്ടെങ്കിൽ നടപടിയെടുക്കുമെന്നാണ് വൈദ്യുതി മന്ത്രി അറിയിച്ചിരുന്നത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |