SignIn
Kerala Kaumudi Online
Wednesday, 26 June 2024 2.24 AM IST

കാപ്പ ഉത്തരവുകൾ ലംഘിച്ച ഗുണ്ടകൾ അറസ്റ്റിൽ

mskjbas

ചാരുംമൂട്:നൂറനാട് പൊലീസ് സ്റ്റേഷൻ പരിധിയിൽ കാപ്പ ഉത്തരവുകൾ ലംഘിച്ച ഗുണ്ടകൾ അറസ്റ്റിൽ. പാലമേൽ വില്ലേജിൽ ഉളവുക്കാട് കോടൻപറമ്പിൽ വീട്ടിൽ മുഹമ്മദ് ഹഫീസ് (കുഞ്ഞിക്കണ്ണൻ -24) എന്നയാളെ കാപ്പാ നിയമപ്രകാരം ജില്ലയിൽ പ്രവേശിക്കുന്നതിന് വിലക്കേർപ്പെടുത്തിയിരുന്നു. കഴിഞ്ഞ മാസം 21 മുതൽ 9 മാസക്കാലത്തേക്കാണ് ജില്ലയിൽ ഇയാളുടെ സഞ്ചലനം നിരോധിച്ചുകൊണ്ട് എറണാകുളം റെയിഞ്ച് ഡെപ്യൂട്ടി ഇൻസ്പെക്ടർ ജനറൽ പുട്ട വിമലാദിത്യഉത്തരവ് പുറപ്പെടുവിച്ചിരുന്നത്. നൂറനാട് 5 ലധികം കേസുകളിൽ ഇയാൾ പ്രതിയാണ്. ഇയാൾ ഉത്തരവ് ലംഘിച്ച് ഞായറാഴ്ച വൈകിട്ട് 6 ഓടെ നൂറനാട് കിടങ്ങയം ഭാഗത്ത് വന്നതായി വിവരം ലഭിച്ചതോടെ സി.ഐ ഷൈജു ഇബ്രാഹിമിന്റെ നേതൃത്വത്തിൽ പിൻതുടർന്ന് പിടികൂടി. മുഹമ്മദ് ഹഫീസിന്റെ കൂട്ടാളിയായ ഉളവുകാട് വിഷ്ണു ഭവനം കണ്ണൻ സുഭാഷിനെ (22) കാപ്പാ നിയമപ്രകാരം ചെങ്ങന്നൂർ ഡി.വൈ.എസ്.പി യുടെ കാര്യാലയത്തിൽ മാസത്തിൽ 2 തവണ റിപ്പോർട്ട് ചെയ്യാനായിരുന്നു ഉത്തരവ്. എന്നാൽ ഇയാൾ ഉത്തരവ് ലംഘിച്ചു മുങ്ങി നടക്കുകയായിരുന്നു. ഇയാളെ തിങ്കളാഴ്ചയാണ് അറസ്റ്റ് ചെയ്തത്. ഇരുവരേയും മാവേലിക്കര ജുഡിഷ്യൽ ഒന്നാം ക്ലാസ് മജിസ്ട്രേറ്റ് കോടതി -2 ൽ ഹാജരാക്കി റിമാൻഡ് ചെയ്തു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, ALAPPUZHA
KERALA KAUMUDI EPAPER
TRENDING IN CASE DIARY
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.