പീരുമേട്: തകർന്നു കിടക്കുന്ന ലയങ്ങൾ നവീകരിക്കാനായി കേരളാ പ്ലാന്റേഷൻ വർക്കേഴ്സ് യൂണിയന്റെ (ഐ.എൻ.റ്റി.യു.സി. ) നേതൃത്വത്തിൽപീരുമേട് ഡെപ്യൂട്ടി ലേബർ ഓഫിസിലേക്ക് പ്രതിഷേധ മാർച്ചും ധർണ്ണയും നടത്തി .എ.ഐ.സി.സി അംഗം അഡ്വ: ഇ എം ആഗസ്തി ഉദ്ഘാടനം ചെയ്തു .എസ്റ്റേറ്റുകളിൽ തൊഴിൽ ചെയ്തു വരുന്ന തൊഴിലാളികൾ താമസിക്കുന്ന ലയങ്ങൾ ഏതു നിമിഷവും തകർന്ന് വീഴുന്നസ്ഥിതിയിലാണ്. മഴക്കാലമായതോടെ ചോർന്നൊലിക്കുന്ന അവസ്ഥയിലുമാണ് . എൽ.ഡി.എഫ്. സർക്കാർ കഴിഞ്ഞ 3 തവണ കളിലെ സംസ്ഥാന ബഡ്ജറ്റുകളിൽ ലയങ്ങളുടെ നവീകരണത്തിനായി 10 കോടി രൂപ വീതം അനുവദിച്ചു വെങ്കിലും ലയങ്ങളുടെ നവീകരണ പ്രവർത്തനങ്ങൾക്കായി യാതോരു നടപടികളും സ്വീകരിച്ചിട്ടുമില്ല.ഒപ്പം പീരുമേട് താലൂക്കിലെ പോബ്സ് എസ്റ്റേറ്റു വക തേയില തോട്ടങ്ങളിലെ തൊഴിലാളികൾക്ക് കൃത്യമായിശമ്പള വിതരണം നടത്തുന്നില്ല.. ഈ സാഹചര്യങ്ങൾ നിലനിൽക്കെയാണ് കേരളാ പ്ലാന്റേഷൻ വർക്കേഴ്സ് യൂണിയൻ ഐ.എൻ റ്റി.യു.സി. യുടെ നേതൃത്വത്തിൽ പീരുമേട് ഡെപ്യൂട്ടി ലേബർ ഓഫീസിലേക്ക് പ്രതിഷേധ മാർച്ചും ധർണ്ണയും നടത്തിയത്. ധർണ്ണയിൽ കെ പി ഡബ്ളിയു യൂണിയൻ ജനറൽ സെക്രട്ടറി ഷാജി പൈനാടത്ത് അദ്ധ്യക്ഷനായിരുന്നു . പി.ആർ. അയ്യപ്പൻ, യൂണിയൻ വർക്കിംഗ് പ്രസിഡന്റ് എം. ഉദയ സൂര്യൻ എന്നിവർ സംസാരിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |