തൊടിയൂർ: കരുനാഗപ്പള്ളി നാടകശാല സംഘടിപ്പിച്ച അഖില കേരള ചലച്ചിത്ര ഗാനമത്സരത്തിൽ മിത്രാവിന്ദ്യ ഒന്നാം സ്ഥാനവും തീർത്ഥ രണ്ടാം സ്ഥാനവും കരസ്ഥമാക്കി. നാടകശാലയിൽ നടന്ന ചടങ്ങിൽ ഇരുവർക്കും ക്യാഷ് അവാർഡും സർട്ടിഫിക്കറ്റും സമ്മാനിച്ചു. അഡ്വ.സുരേഷ് കുമാർ കുറത്തികാട് അദ്ധ്യക്ഷനായി. നാടകശാലാ ഡയറക്ടർ കരുനാഗപ്പള്ളി കൃഷ്ണൻകുട്ടി സ്വാഗതം പറഞ്ഞു.
45-ാമത് ലക്കം നാടകശാല മാഗസിൻ എൽ.കെ. ശ്രീദേവിക്ക് നൽകി കെ.സി.രാജൻ പ്രകാശനം ചെയ്തു.നേരത്തേ നടന്ന കവിയരങ്ങ് അപ്സര ശശികുമാർ ഉദ്ഘാടനം ചെയ്തു.ഡി.മുരളീധരൻ അദ്ധ്യക്ഷനായി. പ്രമുഖ കവികൾ പങ്കെടുത്തു.നാടകശാല നടത്തി വരുന്ന പ്രതിമാസ ഭക്ഷ്യക്കിറ്റ് വിതരണം തോപ്പിൽ ലത്തീഫ് ഉദ്ഘാടനം ചെയ്തു. റോയി കപ്പത്തൂർ, അബ്ബാ മോഹൻ,പോണാൻ നന്ദകുമാർ, സീനരവി, ഡോ.നീമാ പത്മാകരൻ, നിതിൻഭാവന, സിന്ധു സുരേന്ദ്രൻ, ഷാനവാസ് കമ്പിക്കീഴിൽ എന്നിവർ സംസാരിച്ചു. രത്നമ്മ ബ്രാഹ്മമുഹൂർത്തം നന്ദി പറഞ്ഞു.