ന്യൂഡൽഹി: സി.പി.എം കേന്ദ്രകമ്മിറ്റി യോഗത്തിൽ പങ്കെടുക്കാൻ കേരളാ ഹൗസിൽ നിന്ന് ഇന്ദ്രഗുപ്‌താ മാർഗിലുള്ള ഹർകിഷൻ സിംഗ് സുർജിത് ഭവനിലേക്ക് പോകവെ മുഖ്യമന്ത്രി പിണറായി വിജയന്റെ വാഹന വ്യൂഹം ഗതാഗതക്കുരുക്കിൽപ്പെട്ടു. ഇന്നലെ രാവിലെ കനത്ത മഴയെ തുടർന്ന് ഗതാഗതം തടസപ്പെട്ട ഐ.ടി.ഒ ഭാഗത്തുവച്ചാണ് സംഭവം. വാഹനങ്ങൾ നിരനിരയായി കിടന്നതിനാൽ ഡൽഹി പൊലീസിന്റെ അകമ്പടി വാഹനത്തിന് മുന്നോട്ടു പോകാനായില്ല. 15 മിനിട്ടോളം മുഖ്യമന്ത്രിയുടെ വാഹനം അവിടെ കിടന്നു.