അടുത്ത സുഹൃത്തും നടിയുമായ സെലിൻ ജോസഫിന് പിറന്നാൾ ആശംസകൾ അറിയിച്ച് നടൻ സുരേഷ് ഗോപിയുടെ മകൻ മാധവ് സുരേഷ് പങ്കുവച്ച കുറിപ്പ് സമൂഹമാദ്ധ്യമങ്ങളിൽ വൈറൽ. തന്റെ ജീവിതത്തിലെ ഏറ്റവും സ്പെഷ്യലായിട്ടുള്ള വ്യക്തിയാണ് സെലിൻ എന്നും സെലിനാണ് തന്റെ ലോകമെന്നും മാധവ് സുരേഷ് കുറിച്ചു. പോസ്റ്റ് വൈറലായതിന് പിന്നാലെ സെലിൻ ജോസഫുമായി പ്രണയത്തിലാണെന്ന വാർത്തകൾ നിഷേധിച്ച് മാധവ് സുരേഷ് രംഗത്തെത്തി. സെലിന് ജന്മദിനാശംസകൾ നേർന്ന് പങ്കുവച്ച കുറിപ്പ് അല്പം കടന്നുപോയെന്നും തത്‌കാലം സെലിനുമായി പ്രണയത്തിൽ അല്ലെന്നും മാധവ് സുരേഷ് വിശദീകരണവുമായി എത്തി.

2018ൽ പുറത്തിറങ്ങിയ രണം എന്ന ചിത്രത്തിലൂടെ സിനിമയിലെത്തിയ താരമാണ് സെലിൻ ജോസഫ്. വരനെ ആവശ്യമുണ്ട് എന്ന ചിത്രത്തിലൂടെയാണ് മാധവ് സുരേഷിന്റെ സിനിമാ അരങ്ങേറ്റം. ജെ.എസ്.കെ എന്ന പുതിയ സുരേഷ് ഗോപി ചിത്രത്തിലും മാധവ് അഭിനയിക്കുന്നുണ്ട്.

പിറന്നാൾ ആശംസകൾ അറിയിച്ച് മാധവ് സുരേഷ് പങ്കുവച്ച കുറിപ്പ്

ഇന്ന് എന്റെ ജീവിതത്തിലെ ഒരു പ്രത്യേക വ്യക്തിയെ ആഘോഷിക്കാൻ ഞാൻ ആഗ്രഹിക്കുന്നു, ഈ ഒരാളാണ് എന്റെ ലോകം. .

എന്റെ പ്രതിസന്ധി ഘട്ടത്തിൽ എന്റെ ജീവിതത്തിലേക്ക് കടന്നുവന്ന് ഒരു പാറ പോലെ എന്നോടൊപ്പം നിന്ന ഒരാൾ.
ഒരു മനുഷ്യനെന്ന നിലയിൽ എന്റെ പോരായ്മകൾ മനസ്സിലാക്കുകയും ഞാൻ ഒരു മനുഷ്യനായി മുന്നോട്ടു പോകുന്നുണ്ടെന്ന് സജീവമായി ഉറപ്പാക്കുകയും ചെയ്യുന്ന ഒരാൾ.
പുഞ്ചിരിക്കുന്ന ഒരാൾ എന്റെ ദിവസത്തെ പ്രകാശിപ്പിക്കുന്നു, ആ ശബ്ദം എന്റെ കാതുകളിൽ സംഗീതം പോലെ മുഴങ്ങുന്നു, ആ സാന്നിധ്യം എനിക്ക് അളവറ്റ ഊർജം നൽകുന്നു, ഞങ്ങൾ കണ്ടുമുട്ടിയ ദിവസം മുതൽ എന്റെ ജീവിതത്തിലെ തിളങ്ങുന്ന വെളിച്ചമായി ആ വ്യക്തി മാറിയിരിക്കുന്നു.

ജന്മദിനാശംസകൾ, സൂപ്പർസ്റ്റാർ, ചിക്കാട്രോൺ, കുഞ്ഞുവാവ, സെമി ലാറ്റിന, സിസി കുട്ടി . നിന്റെ,​ എല്ലാ ലക്ഷ്യങ്ങളും സ്വപ്നങ്ങളും നീ നേടിയെടുക്കുമെന്ന് എനിക്കറിയാം, എന്നെങ്കിലും ഞാൻ നിന്നോട് പറയും, "നീ അത് നേടുമെന്ന് എനിക്ക് നേരത്തെ തന്നെ അറിയാമായിരുന്നു". നി എങ്ങനെയാണ്, അതുപോലെ തുടരുക. ആളുകളെ വിശ്വസിക്കാൻ എന്നെ വീണ്ടും പഠിപ്പിച്ചതിന് നന്ദി!

View this post on Instagram

A post shared by Madhav Suresh (@the.real.madhav)