സിനിമയ്ക്ക് പുറത്തും സൗഹൃദം കാത്തു സൂക്ഷിക്കുന്നവരാണ് നടിമാരായ ആൻ അഗസ്റ്റിനും സംവൃത സുനിലും. ആൻ, സംവൃത, നസ്രിയ, സ്രിന്ധ, മീര നന്ദൻ എന്നിവർ ചേർന്നതാണ് ഈ സൗഹൃദ കൂട്ടായ്മ. കഴിഞ്ഞ ദിവസം മീര നന്ദന്റെ വിവാഹചടങ്ങിലും മെഹന്ദി ചടങ്ങിലും ആദ്യാവസാനം ഇവർ നിറഞ്ഞു നിന്നിരുന്നു. മീരയുടെ വിവാഹത്തിലും അമ്മയുടെ വാർഷിക പൊതുയോഗത്തിലും പങ്കെടുക്കാനുമായിരുന്നു യു എസിൽ നിന്ന് സംവൃത എത്തിയത്. 2012 ൽ ആയിരുന്നു കോഴിക്കോടുടുകാരനായ അഖിൽ ജയരാജനുമായുള്ള സംവൃതയുടെ വിവാഹം. നോർത്ത് കാലിഫോർണിയയിലാണ് ഇവർ താമസിക്കുന്നത്. അഗസ്ത്യ, രുദ്ര എന്നിവരാണ് മക്കൾ. വിവാഹശേഷം 2019ൽ സത്യം പറഞ്ഞാ വിശ്വസിക്കുമോ എന്ന ചിത്രത്തിൽ ബിജുമേനോന്റെ നായികയായി സംവൃത അഭിനയിച്ചു. ഹരികുമാർ സംവിധാനം ചെയ്യുന്ന ഓട്ടോറിക്ഷക്കാരന്റെ ഭാര്യ എന്ന ചിത്രത്തിലൂടെയാണ് ആൻ അഗസ്റ്റിന്റെ മടങ്ങി വരവ്. പുഴുവിനുശേഷം റത്തിന സംവിധാനം ചെയ്യുന്ന പാതിരാത്രി എന്ന ചിത്രത്തിൽ അഭിനയിക്കുകയാണ് ആൻ.