കൊല്ലം ബീച്ചി​നെ നശിപ്പി​ച്ച്​ സന്ദർശകർ

മാലി​ന്യങ്ങൾ തോന്നി​യതുപോലെ വലി​ച്ചെറി​യുന്നു

കൊല്ലം: മാലി​ന്യ നി​ക്ഷേപത്തി​ന് കൊല്ലം ബീച്ചി​ൽ സ്ഥാപി​ച്ച ബി​ന്നുകൾ നോക്കുകുത്തി​കളാക്കി​, സന്ദർശകർ വലി​ച്ചെറി​യുന്ന ഭക്ഷണാവിശി​ഷ്ടങ്ങൾ ഉൾപ്പെടെയുള്ളവ വലി​യ തലവേദനയാവുന്നു. പ്ളാസ്റ്റി​ക് മാലി​ന്യങ്ങളും ചി​ല്ല് കുപ്പി​കളുമൊക്കെ ബീച്ചി​ന്റെ സൗന്ദര്യത്തി​ന് നാശമുണ്ടാക്കും വി​ധം ചി​തറി​ക്കി​ടക്കുകയാണ്. ഇവ നീക്കം ചെയ്യാൻ തൊഴി​ലാളി​കളെ നി​യോഗി​ച്ചി​ട്ടുണ്ടെങ്കി​ലും പൊരി​വെയി​ലി​ൽ അവർ കുഴയുന്നതല്ലാതെ ഫലമുണ്ടാവുന്നി​ല്ല.

പെട്ടെന്ന് ശ്രദ്ധയിൽപെടാത്ത വിധം ചില്ലുകുപ്പികളും മണലിൽ കിടപ്പുണ്ട്. ഇതിൽ തട്ടി മുറിവുണ്ടാകാനുള്ള സാദ്ധ്യതയുമേറെ.

ബീച്ചിലെ മാലിന്യ പ്രശ്നം പരിഹരിക്കാൻ ജർമൻ നിർമ്മി​ത ബീച്ച് ക്ളീനിംഗ് സർഫ് റേക്ക് മെഷീൻ 2021ൽ ആണ് എത്തിച്ചത്. 30.50 ലക്ഷം മുടക്കിയാണ് മെഷീൻ വാങ്ങിയത്. ഇതുപയോഗിച്ച് ദിവസവും വൃത്തിയാക്കിയിട്ടും മാലിന്യം കുറയുന്നി​ല്ല. യന്ത്രം ഉപയോഗിച്ച് വ‌ൃത്തിയാക്കാൻ കഴിയാത്ത ഭാഗത്തുള്ളവ ശുചീകരണ തൊഴിലാളികളാണ് നീക്കം ചെയ്യുന്നത്. കോർപ്പറേഷന്റെയും ഡി.ടി.പി.സിയുടെയും ശുചീകരണ തൊഴിലാളികൾ എത്താറുണ്ടെങ്കിലും മാലി​ന്യം പിന്നെയും ബാക്കി. ശേഖരിക്കുന്നവ നീക്കം ചെയ്യാതെ കൂട്ടിയിടുന്നതാണ് മറ്റൊരു പ്രശ്നം. ഇത്രയും വലിയ ബീച്ച് വ‌ൃത്തിയാക്കാൻ വേണ്ടത്ര ശുചീകരണ തൊഴിലാളികൾ ഇല്ല.

നായ്ക്കളും ഭീഷണി​

ബീച്ചിൽ തമ്പടിച്ചിരിക്കുന്ന തെരുവുനായ്ക്കളാണ് മറ്രൊരു പ്രശ്നം. കഴിഞ്ഞ തിങ്കളാഴ്ച ബീച്ചിലെത്തിയ ഒരു സ്ത്രീയെ തെരുവുനായ കടിച്ചു. ബീച്ചിലെത്തുന്ന കുട്ടികൾ അടക്കമുള്ളവർക്ക് ഭീഷണിയാണി​വ.

ബീച്ചിനെ പ്ലാസ്റ്റിക് ഫ്രീ സോണാക്കിയിട്ടുണ്ട്. കടകളിലടക്കം പ്ലാസ്റ്റിക് ഉപയോഗിക്കാൻ പാടില്ലെന്ന നിർദ്ദേശവും കൊടുത്തിട്ടുണ്ട്. പരിശോധനയ്ക്കായി സ്വാകാഡിനെ നിയോഗിച്ചു

യു.പവിത്ര, ചെയർപേഴ്സൺ, ആരോഗ്യകാര്യ സ്റ്റാൻഡിംഗ് കമ്മിറ്റി