വടക്കൻ ജില്ലകളിൽ മഴ കനക്കും

തിരുവനന്തപുരം: കാലവർഷ കാറ്റ് ശക്തിപ്രാപിച്ചതിനാൽ രണ്ട് ദിവസത്തേക്ക് വടക്കൻ ജില്ലകളിൽ അതിശക്ത മഴ ലഭിക്കും. കോഴിക്കോട്,കണ്ണൂർ,കാസർകോട് ജില്ലകളിൽ ഇന്ന് ഓറഞ്ച് അലർട്ടാണ്. ഇവിടങ്ങളിൽ 24 മണിക്കൂറിൽ 115.6 മുതൽ 204.4 മില്ലി മീറ്റർ വരെ മഴ ലഭിക്കും. ഒറ്റപ്പെട്ട ശക്തമായ മഴയുടെ സാഹചര്യത്തിൽ എറണാകുളം,തൃശൂർ,പാലക്കാട്,മലപ്പുറം,വയനാട് ജില്ലകളിൽ യെല്ലോ അലർട്ടാണ്. കേരള തീരത്ത് ഉയർന്ന തിരമാലയെ തുടർന്ന് കടലാക്രമണ സാദ്ധ്യതയുള്ളതിനാൽ തീരദേശവാസികൾ ജാഗ്രത പാലിക്കണം. മത്സ്യബന്ധനം പാടില്ല.