മദ്ധ്യവയസ്‌കയോട് അപമര്യാദയായി പെരുമാറിയ യുവാവ് അറസ്റ്റിൽ

മുണ്ടക്കയം: മദ്ധ്യവയസ്‌കയോട് അപമര്യാദയായി പെരുമാറിയ യുവാവിനെ മുണ്ടക്കയം പൊലീസ് അറസ്റ്റ് ചെയ്തു. കോരുത്തോട് മടുക്ക കോസടി കൊച്ചുവീട്ടിൽ ഡിന്റുവാണ് (27) പിടിയിലായത്. കഴിഞ്ഞ ദിവസം രാത്രി റോഡിൽ വെച്ച് കോരുത്തോട് സ്വദേശിനിയായ മദ്ധ്യവയസ്‌കയോട് ഇയാൾ അപമര്യാദയായി പെരുമാറുകയായിരുന്നു. പരാതിയെ തുടർന്ന് മുണ്ടക്കയം പൊലീസ് കേസെടുത്ത് നടത്തിയ തിരച്ചിലിൽ ഇയാളെ പിടികൂടി. സ്റ്റേഷൻ എസ്.എച്ച്.ഒ എം.ആർ രാകേഷ് കുമാർ, എസ്.ഐ കെ.വി വിപിൻ, എ.എസ്.ഐ ഉജ്ജ്വല ഭാസി, സി.പി.ഒമാരായ വി.ജെ ബിജി, ജോൺസൺ എന്നിവർ ചേർന്നാണ് അറസ്റ്റ് ചെയ്തത്. ഇയാൾക്ക് മുണ്ടക്കയം സ്റ്റേഷനിൽ പോക്‌സോ കേസ് നിലവിലുണ്ട്. പ്രതിയെ കോടതിയിൽ റിമാൻഡ് ചെയ്തു.