അന്ന് ഉദ്ഘാടന ചടങ്ങിലെ മുഖ്യാതിഥി,​ ഇന്ന് അതേ സി.ബി.ഐ കെട്ടിടത്തിലെ ലോക്കപ്പിൽ, എല്ലാത്തിനും സാക്ഷിയായി കപിൽ സിബൽ

ന്യൂഡൽഹി: കഴിഞ്ഞ ദിവസമാണ് ഐ.എൻ.എക്സ് മീഡിയ അഴിമതിക്കേസിൽ മുൻ കേന്ദ്രമന്ത്രിയും കോൺഗ്രസ് നേതാവുമായ പി.ചിദംബരത്തെ സി.ബി.ഐ അറസ്റ്റ് ചെയ്തത്. കഴിഞ്ഞ ദിവസം രാത്രി അദ്ദേഹം കഴിച്ചുകൂട്ടിയത് ഡൽഹിയിലെ സി.ബി.ഐ ആസ്ഥാനത്തായിരുന്നു. ഇത് തികച്ചും യാദൃശ്ചികമാണ്.

2011 ജൂൺ 30ന് സി.ബി.ഐ ആസ്ഥാനത്തിന്റെ ഉദ്ഘാടനം നിർവഹിച്ചത് പ്രധാനമന്ത്രിയായിരുന്ന മൻമോഹൻ സിംഗായിരുന്നു. അന്ന് ആഭ്യന്തര മന്ത്രിയായിരുന്ന പി.ചിദംബരം ചടങ്ങിലെ മുഖ്യാതിഥിയായിരുന്നു. വേദിയിൽ അദ്ദേഹത്തിനൊപ്പം കബിൽ സിബലും വീരപ്പ മൊയ്‌ലിയും ഉണ്ടായിരുന്നു. കഴിഞ്ഞ ദിവസം കേസിൽ ചിദംബരത്തെ അറസ്റ്റ് ചെയ്യുമ്പോൾ കബിൽ സിബലും കൂടെയുണ്ടായിരുന്നുവെന്നത് യാദൃശ്ചികം.

#WATCH ANI file footage: The then Union Home Minister, P Chidambaram at the inauguration of the new Central Bureau of Investigation (CBI) headquarters in Delhi on June 30, 2011. Chidambaram was arrested by CBI yesterday and brought to this complex. pic.twitter.com/ikuxIzaSyF

— ANI (@ANI) August 22, 2019

'1985 മുതൽ സി.ബി.ഐയുമായി അടുത്ത് പ്രവർത്തിക്കുന്നു. സി.ബി.ഐയ്ക്ക് പുതിയ കെട്ടിടം ലഭിച്ചത് കാണാനായതിൽ ഞാൻ അഭിമാനിക്കുന്നു. സി.ബി.ഐക്ക് പുതിയ കെട്ടിടം തുറക്കാനായതിൽ ഞാന്‍ അഭിമാനിക്കുന്നു. രാജ്യത്തെ ഭരണസംവിധാനത്തിന് നെടുതൂണായി സി.ബി.ഐ ശക്തിപ്പെടുകയാണെന്നായിരുന്നു'- ചിദംബരം അന്ന് സന്ദർശക പുസ്‌തകത്തിൽ എഴുതിയ വരികളാണ് ഇത്. കെട്ടിടത്തിന്റെ താഴത്തെ നിലയിൽ ലോക്കപ്പ് സൗകര്യം ഉണ്ട്. ലോക്കപ്പ് സൗകര്യമുള്ള നമ്പർ മൂന്നിലാണ് ചിദംബരം കഴിഞ്ഞ ദിവസം രാത്രി കഴിഞ്ഞത്.