സി.പി.ഐ എൽ.സി സെക്രട്ടറിയെ പടക്കം എറിഞ്ഞ രണ്ടുപേർ അറസ്റ്റിൽ

കോവളം: സി.പി.ഐ തിരുവല്ലം ലോക്കൽ കമ്മിറ്റി സെക്രട്ടറി വെള്ളർ സാബുവിനെ പടക്കമെറിഞ്ഞ സംഭവത്തിൽ രണ്ടുപേരെ തിരുവല്ലം പൊലീസ് അറസ്റ്റു ചെയ്തു. വെള്ളാർ അറൈവൽ കോളനി പണയിൽ വീട് വിമൽ മിത്ര (25), വെള്ളാർ കൈതവിള വീട്ടിൽ ജിത്തുലാൽ (23) എന്നിവരെയാണ് അറസ്റ്റു ചെയ്തത്. പ്രദേശത്തെ സിസി.ടിവി ക്യാമറ, മൊബൈൽ ടവർ എന്നിവ കേന്ദ്രീകരിച്ചുള്ള അന്വേഷണത്തിലാണ് ഇന്നലെ ഉച്ചയോടെ പ്രതികൾ വെള്ളാർ ഭാഗത്തുനിന്നു പിടിയിലായത്. ഇക്കഴിഞ്ഞ ബുധനാഴ്ച വൈകിട്ട് 6.15 ഓടെയാണ് വെള്ളാർ സാബു സമുദ്രാ റോഡിൽ നിന്നും വെള്ളാർ റോഡിലേക്ക് സ്കൂട്ടറിൽ വരുന്നതിനിടയിൽ പ്രതികൾ സ്കൂട്ടറിലെത്തി പടക്കം എറിഞ്ഞത്.