മലയോര യാത്രയ്ക്ക് ഇന്ന് സമാപനം

തിരുവനന്തപുരം: യു.ഡി.എഫ് നേതൃത്വത്തിൽ പ്രതിപക്ഷ നേതാവ് വി.ഡി സതീശൻ നയിക്കുന്ന മലയോര സമര യാത്രയ്ക്ക് ഇന്ന് സമാപനം. രാവിലെ 10 ന് പാലോട് ജംഗ്ഷനിൽ സംഘടിപ്പിക്കുന്ന സമ്മേളനം മുസ്ലിം ലീഗ് നേതാവ് പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്യും. വൈകിട്ട് 4 ന് നെയ്യാറ്റിൻകര താലൂക്കിലെ അമ്പൂരിയിൽ സമാപന സമ്മേളനം എ.ഐ.സി.സി ജനറൽ സെക്രട്ടറി ദീപ ദാസ് മുൻഷി ഉദ്ഘാടനം ചെയ്യും. സമ്മേളനത്തിൽ മലയോരമേഖലയിൽ നിന്ന് 5000 ത്തോളം കർഷകരെ പങ്കെടുപ്പിക്കുമെന്ന് ഡി.സി.സി പ്രസിഡന്റ് പാലോട് രവി അറിയിച്ചു.