ജമ്മുകാശ്മീരിൽ സ്‌ഫോടനം; രണ്ട് സെെനികർക്ക് വീരമൃത്യു

ശ്രീനഗർ: ജമ്മുകാശ്മീരിൽ കുഴിബോംബ് സ്ഫോടനത്തിൽ രണ്ട് സൈനികർക്ക് വീരമൃത്യു. നിയന്ത്രണരേഖയ്ക്ക് സമീപം അഖ്നൂർ സെക്ടറിൽ ഇന്ന് ഉച്ചതിരിഞ്ഞ് 3.50ഓടെയായിരുന്നു സംഭവം. സൈന്യം പട്രോളിംഗ് നടത്തുന്നതിനിടെ ഭീകരർ സ്ഥാപിച്ച ഐ.ഇ.ഡി പൊട്ടിത്തെറിക്കുകയായിരുന്നു. ഗുരുതരമായി പരിക്കേറ്റ ഒരു സൈനികൻ ചികിത്സയിലാണ്. ഒരു സെെനിക ഉദ്യോഗസ്ഥനും ഒരു ജവാനുമാണ് വീരമൃത്യു വരിച്ചതെന്നാണ് റിപ്പോർട്ട്. വെെറ്റ് നെെറ്റ് കോർപ്സ് സ്‌ഫോടനം സ്ഥിരീകരിച്ചിട്ടുണ്ട്.

ഭീകരർക്കായി തെരച്ചിൽ തുടരുകയാണെന്നും വൈറ്റ് നൈറ്റ് കോർപ്‌സ് അറിയിച്ചു. സ്ഫോടനത്തിനുപിന്നാലെ കൂടുതൽ സേന മേഖലയിൽ എത്തിയിട്ടുണ്ട്. പുലർച്ചെ അഖ്നൂർ സെക്ടറിൽ തുരുമ്പെടുത്ത മോർട്ടാർ ഷെൽ സൈന്യം നിർവീര്യമാക്കിയിരുന്നു. കുപ്‌വാര ജില്ലയിൽ നിയന്ത്രണരേഖയ്ക്ക് സമീപം കർണ പ്രദേശത്ത് നടത്തിയ തെരച്ചിലിൽ സുരക്ഷാസേന ആയുധങ്ങളും വെടിക്കോപ്പുകളും കണ്ടെടുത്തിരുന്നു.

Suspected Improvised Explosive Device blast reported in #Laleali in #Akhnoor Sector during a fence patrol resulting in two fatalities.
Own troops are dominating the area and search #operations are underway.
White Knight Corps salutes and pays tribute to the supreme sacrifice of…

— White Knight Corps (@Whiteknight_IA) February 11, 2025