പ്രേം സിംഗേഴ്സിന്റെ നിങ്ങൾക്കും പാടാം

തിരുവനന്തപുരം: പുതുഗായകരെ കണ്ടെത്താനായി പ്രേംനസീർ സുഹൃത് സമിതി സംഘടിപ്പിച്ച 'നിങ്ങൾക്കും പാടാം' എന്ന പുതിയ കൂട്ടായ്മയുടെ ഉദ്ഘാടനം ഗസൽ ഗായകൻ ഡോ.എ.കെ.ഹരികുമാർ നിർവഹിച്ചു.സുഹൃത് സമിതി പ്രസിഡന്റ് പനച്ചമൂട് ഷാജഹാൻ അദ്ധ്യക്ഷത വഹിച്ചു.നീലക്കുയിൽ നാടകത്തിൽ മികച്ച പ്രകടനം കാഴ്ചവച്ച നടൻ മഞ്ചിത്,ഗാനാലാപന രംഗത്ത് 50 വർഷം പിന്നിട്ട ഗായകൻ ചന്ദ്രശേഖർ,നന്മ മാപ്പിളപ്പാട്ട് പുരസ്കാരം നേടിയ ഗായിക ബദറുന്നിസ എന്നിവർക്ക് ഗായകൻ ഹരികുമാർ ഉപഹാരം നൽകി. സമിതി ഭാരവാഹികളായ തെക്കൻ സ്റ്റാർ ബാദുഷ, ഷംസുന്നീ സസൈനുൽ ആബ്ദീൻ, ഡോ.ഗീതാ ഷാനവാസ്,ഗോപൻ ശാസ്തമംഗലം,അഡ്വ.ഫസിഹ,അജിത് കുമാർ എന്നിവർ പങ്കെടുത്തു. തുടർന്ന് ഗാനമേളയും നടന്നു.