ലോക അങ്ങാടിക്കുരുവി ദിനാഘോഷം

കരുനാഗപ്പള്ളി: കേരള യൂത്ത് പ്രമോഷൻ കൗൺസിലിന്റെ നേതൃത്വത്തിൽ വേനലിൽ പക്ഷികൾക്ക് ദാഹജലം നൽകുന്നതിനുള്ള തണ്ണീർകുടം പദ്ധതിക്ക് ജില്ലയിൽ തുടക്കമായി.രാജ്യാന്തര കുരുവി ദിനത്തിന്റെ ഭാഗമായി ആരംഭിച്ച പദ്ധതി നാളെ സമാപിക്കും. .സംസ്ഥാനത്തുടനീളം 5000 മൺപാത്രങ്ങൾ പക്ഷികൾക്ക് വെള്ളം കുടിക്കാനായി സ്ഥാപിക്കുന്നതാണ് പദ്ധതി. ആലുവ സ്വദേശിയും എഴുത്തുകാരനുമായ നാരായണനാണ് പദ്ധതിയുടെ സ്പോൺസർ. പദ്ധതിയുടെ സംസ്ഥാനതല ഉദ്ഘാടനം കരുനാഗപ്പള്ളി ചാച്ചാജി പബ്ലിക് സ്കൂളിൽ താലൂക്ക് ലൈബ്രറി കൗൺസിൽ സെക്രട്ടറി വി. വിജയകുമാർ നിർവഹിച്ചു.കേരള യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത്മിഷ അദ്ധ്യക്ഷനായി. സബർമതി ഗ്രന്ഥശാലയുടെ സഹകരണത്തോടെയാണ് പരിപാടി സംഘടിപ്പിച്ചത്. കൗൺസിൽ ജില്ലാ കൺവീനർ അനിൽ കിഴക്കടത്ത്, പള്ളിക്കലാർ സംരക്ഷണ സമിതി പ്രസിഡന്റ് ജി. മഞ്ജുക്കുട്ടൻ, ചാച്ചാജി പബ്ലിക് സ്കൂൾ ഡയറക്ടർ ആർ. സനജൻ, സബർമതി ഗ്രന്ഥശാല സെക്രട്ടറി വി.ആർ. ഹരികൃഷ്ണൻ,ഉനൈസ്, അലൻ എസ് പൂമുറ്റം, എ. യൂനുസ്, സുമ എന്നിവർ നേതൃത്വം നൽകി.ന്യൂനപക്ഷ ക്ഷേമ വകുപ്പിന്റെ ഇടക്കുളങ്ങരയിലെ മത്സര പരീക്ഷ പരിശീലന കേന്ദ്രത്തിലും കൗൺസിൽ ജില്ലാ കമ്മിറ്റിയുടെ നേതൃത്വത്തിൽ തണ്ണീർകുടങ്ങൾ സ്ഥാപിച്ചു. :