അരികെ ആഫ്രിക്ക

ലോ​ഡ്‌​സ്:​ ​ലോ​ക​ ​ടെ​സ്റ്റ് ​ചാ​മ്പ്യ​ൻ​ഷി​പ്പി​ലെ തങ്ങളുടെ കന്നിക്കിരീടത്തിലേക്ക് ​ദ​ക്ഷി​ണാ​ഫ്രി​ക്ക​ ​അ​ടി​വ​ച്ച​ടി​വ​ച്ച് ​എ​ത്തു​ന്നു. ലോഡ്‌സ് വേദിയാകുന്ന ഫൈൽ പോരാട്ടത്തിൽ ​ ​ഓ​സ്ട്രേ​ലി​യ​ ​ഉ​യ​ർ​ത്തി​യ​ 282​ ​റ​ൺ​സി​ന്റെ​ ​വി​ജ​യ​ല​ക്ഷ്യം​ ​പി​ന്തു​ട​ർ​ന്ന് ​ര​ണ്ടാം​ ​ഇ​ന്നിം​ഗ്‌​സി​നി​റ​ങ്ങി​യ​ ​ദ​ക്ഷി​ണാ​ഫ്രി​ക്ക​ ​മൂ​ന്നാം​ ​ദി​നം​ ​സ്റ്റമ്പെടുക്കുമ്പോൾ 213​/2​ ​എ​ന്ന​ ​നി​ല​യി​ലാ​ണ്.​ 8​ ​വി​ക്ക​റ്റും​ ​മ​ത്സ​രം​ ​അ​വ​സാ​നി​ക്കാ​ൻ​ 2​ ​ദി​വ​സ​വും​ ​ശേ​ഷി​ക്കെ​ ​ദ​ക്ഷി​ണാ​ഫ്രി​ക്ക​യ്‌​ക്ക് ​ജ​യി​ക്കാ​ൻ​ 69 ​റ​ൺ​സ് ​മാ​ത്രം​ ​മ​തി.​ ​അ​പ്ര​തീ​ക്ഷി​ത​ ​ത​ക​‌​ർ​ച്ച​ ​സം​ഭ​വ​ച്ചി​ല്ലെ​ങ്കി​ൽ​ ​ടെം​ബ​ ​ബവു​മ​യും​ ​സം​ഘ​വും​ ​ത​ന്നെ​ ​ചാമ്പ്യൻമാരാകും.​ ​സെഞ്ച്വറി നേടിയ ​എ​യ്‌​ഡ​ൻ​ ​മ​ർ​ക്ര​ത്തി​ന്റേ​യും​ ​അർദ്ധ സെഞ്ച്വറി നേടിയ ക്യാ​പ്ട​ൻ​ ​ടെം​ബ​ ​ബവു​മ​യു​ടെ​യും​ ​ചെ​റു​ത്തു​ ​നി​ൽ​പ്പാ​ണ് ​ര​ണ്ടാം​ ​ഇ​ന്നിം​‌​ഗ്‌​സി​ൽ​ ​തു​ട​ക്ക​ത്തി​ലെ​ ​പ്ര​തി​സ​ന്ധി​ക്ക് ​ശേ​ഷം​ ​കാ​ര്യ​ങ്ങ​ൾ​ ​ദ​ക്ഷി​ണാ​ഫ്രി​ക്ക​യ്‌​ക്ക് ​അ​നു​കൂ​ല​മാ​ക്കി​യ​ത്.​ ​മൂ​ന്നാം​ ​ദി​നം​ ​രാ​വി​ലെ​ 144​/8​ ​എ​ന്ന​ ​നി​ല​യി​ൽ​ ​ര​ണ്ടാം​ ​ഇ​ന്നിം​‌​ഗ്‌​സ്​ ​പു​ന​രാ​രം​ഭി​ച്ച​ ​ഓ​സ്ട്രേ​ലി​യ​ 207​ ​റ​ൺ​സ് ​എ​ടു​ത്താ​ണ് ​ഓ​ൾ​ഔ​ട്ടാ​യ​ത്.​ ​അ​ർ​ദ്ധ​ ​സെ​ഞ്ച്വ​റി​യു​മാ​യി​ ​പു​റ​ത്താ​കാ​തെ​ ​നി​ന്ന​ ​മി​ച്ച​ൽ​ ​സ്റ്റാ​ർ​ക്കാ​ണ് ​(​പു​റ​ത്താ​കാ​തെ​ 58​)​​​ ​ഓ​സീ​സി​നെ​ 200​ ​ക​ട​ത്തി​യ​ത്.​ ​നാ​ഥ​ൻ​ ​ല​യ​ണെ​ ​(2​)​​​ ​റ​ബാ​ഡ​ ​തു​ട​ക്ക​ത്തി​ലേ​ ​പു​റ​ത്താ​ക്കി​യ​തോ​ടെ​ ​ഓ​സ്ട്രേ​ലി​യ​ 148​/9​ ​എ​ന്ന​ ​നി​ല​യി​ലാ​യി.​ ​എ​ന്നാ​ൽ​ ​അ​വ​സാ​ന​ ​വി​ക്ക​റ്റി​ൽ​ ​ഹേ​സ​ൽ​വു​ഡി​നെ​ ​(17​)​​​ ​കൂ​ട്ടു​പി​ടി​ച്ച് ​സ്റ്റാ​ർ​ക്ക് ​ഓ​സ്ട്രേ​ലി​യ​യെ​ 200​ ​ക​ട​ത്തി.​ ​അ​വ​സാ​ന​ ​വി​ക്ക​റ്റി​ൽ​ ​ഇ​രു​വ​രും​ 135​ ​പ​ന്തി​ൽ​ 59​ ​റ​ൺ​സി​ന്റെ​ ​കൂ​ട്ടു​കെ​ട്ടു​ണ്ടാ​ക്കി.​ ​ഹേ​സ​ൽ​വു​ഡി​നെ​ ​പു​റ​ത്താ​ക്കി​ ​മ​ർ​ക്ര​മാ​ണ് ​കൂ​ട്ടു​കെ​ട്ട് ​പൊ​ളി​ച്ച​ത്. റബാഡ നാലും എൻഗിഡി മൂന്നും വിക്കറ്റുകൾ വീഴ്‌ത്തി.

സ്കോർ: ഓസ്ട്രേലിയ 212/10,​ 207/10,​ ദക്ഷിണാഫ്രിക്ക 138/10,​ 213/2.

മ​ർ​ക്രം,​ ​ബൗമ സൂപ്പർ കൂട്ടുകെട്ട്
ഓ​സ്ട്രേ​ലി​യ​ ​ഉ​യ​ർ​ത്തി​യ​ ​വി​ജ​യ​ല​ക്ഷ്യം​ ​പി​ന്തു​ട​ർ​ന്നി​റ​ങ്ങി​യ​ ​ദ​ക്ഷി​ണാ​ഫ്രി​ക്ക​യ്‌​ക്ക് ​റി​ക്ക​ൽ​റ്റ​ണേ​യും​ ​(6​)​​​ ​മു​ൽ​ഡ​റേ​യും​ ​(27​)​​​ ​ന​ഷ്‌​ട​പ്പെ​ട്ടെ​ങ്കി​ലും​ ​പി​ന്നീ​ട് ​ക്രീ​സി​ലൊ​ന്നി​ച്ച​ ​മ​ർ​ക്ര​വും​ ​ബവു​മ​യും​ ​അ​വ​രു​ടെ​ ​ര​ക്ഷ​ക​രാ​യി.​ ​മ​ർ​ക്രം​ 102ഉം​ ​ബൗ​മ​ 65​ഉം​ ​റ​ൺ​സ് േ​ന​ടി​ ​ബാ​റ്റിം​ഗ് ​തു​ട​രു​ക​യാ​ണ്.​ ​ഇ​രു​വ​രും​മൂ​ന്നാം​ ​വി​ക്ക​റ്റി​ൽ​ 143​ ​റ​ൺ​സ് ​കൂ​ട്ടി​ച്ചേ​‌​ർ​ത്തു​ ​ക​ഴി​ഞ്ഞു. ഓസീസ് ബൗളർമാരെ സമ‌ർത്ഥമായി നേരിട്ട് മുന്നേറിയ മർക്രം -ബവുമ കൂട്ടുകെട്ടിന് ഓസീസ് താരങ്ങൾ കൈവിട്ട ക്യാച്ചും തുണയായി. സ്ലിപ്പിൽ ഹൈൽറ്റ് വച്ച് ഫീൽഡ് ചെയ്ത സ്റ്റീവ് സ്മിത്ത് ബവുമ നൽകിയ അനായാസ ക്യാച്ച് കൈവിടുകയും കൈയ്ക്ക് പരിക്കേറ്റ് മടങ്ങുകയും ചെയ്തു. ഹാം സ്ട്രീംഗ് ഇഞ്ച്വറി അലട്ടിയെങ്കിലും അതൊന്നുംവകവയ്ക്കാതെയായിരുന്ന ബവുമയുടെ ബാറ്റിംഗ്.

എലൈറ്റ് ഡിവിഷൻ ഫുട്ബോൾ ലീഗ്

തിരുവനന്തപുരം: തിരുവനന്തപുരം ജില്ലയിലെ കരുത്തരായ ആറ് ഫുട്ബാൾ ടീമുകൾ മത്സരിക്കുന്ന എലൈറ്റ് ഡിവിഷൻ ഫുട്ബോൾ ലീഗിന് ഇന്ന് കിക്കോഫ്. ജി.വി.രാജ മൈലം ഫുട്ബാൾ ഗ്രൗണ്ടിൽ രാവിലെ 8.30ന് കഴിഞ്ഞ വർഷത്തെ റണ്ണറപ്പുകളായ കേരള പൊലീസ് കരുത്തരായ കോവളം എഫ്.സിയെയും 10.30ന് മുൻ ചാമ്പ്യന്മാരായ എസ്.ബി.ഐ കേരള , കേരള ടൈഗേഴ്സിനെയും നേരിടും.കെ.എസ്.ഇ.ബി,ഏജീസ് ഓഫീസ് ടീമുകളാണ് ലീഗിൽ മാറ്റുരക്കുന്ന മറ്റ് ടീമുകൾ.