തൊഴിൽ അന്തരീക്ഷം; മി​ക​ച്ച​ ​ക​മ്പ​നി​ക​ളു​ടെ​ ​പ​ട്ടി​ക​യി​ൽ​ ​ഇടംനേടി ഹാ​രി​സ​ൺ​ ​മ​ല​യാ​ളം

കൊച്ചി: മികച്ച തൊഴിൽ അന്തരീക്ഷമുള്ള ഇന്ത്യൻ കമ്പനികളുടെ പട്ടികയിൽ ആർ.പി.ജി ഗ്രൂപ്പിലെ ഹാരിസൺ മലയാളം ലിമിറ്റഡ്(എച്ച്.എം.എൽ) മികച്ച നേട്ടമുണ്ടാക്കി. ഗ്രേറ്റ് പ്ലേസ് ടു വർക്ക് ഇൻസ്റ്റിറ്റ്യൂട്ട് തയ്യാറാക്കിയ മികച്ച തൊഴിൽ സാഹചര്യമുള്ള 25 പ്രധാന കമ്പനികളുടെ നടപ്പുവർഷത്തെ പട്ടികയിൽ 21-ാം സ്ഥാനമാണ് എച്ച്.എം.എൽ നേടിയത്. ഗ്രേറ്റ് പ്ലേസ് ടു വർക്ക് ഇൻസ്റ്റിറ്റ്യൂട്ടിന്റെ ടോപ്പ്-25 പട്ടികയിൽ തുടർച്ചയായി ഇടം നേടുന്ന കേരളം ആസ്ഥാനമായുള്ള ആദ്യ കമ്പനിയാണ് എച്ച്.എം.എൽ. ആർ.പി.ജി ഗ്രൂപ്പും എച്ച്.എം.എല്ലും പിന്തുടരുന്ന 'എംപ്ലോയി ഹാപ്പിനെസ്സ്' സമീപനത്തിനുള്ള അംഗീകാരമാണ് ടോപ്പ് 25 പട്ടികയിലെ മികച്ച സ്ഥാനമെന്ന് കമ്പനിയുടെ ഫുൾടൈം ഡയറക്‌ടർ ചെറിയാൻ എം. ജോർജ് പറഞ്ഞു.