ആർമി ടവർ തട്ടിപ്പ്: കേസ് ക്രൈംബ്രാഞ്ചിലേക്ക്

കൊച്ചി: വൈറ്റില ചന്ദേർകുഞ്ജ് ആർമി ടവർ നിർമ്മാണ ക്രമക്കേട് കേസുകൾ ക്രൈംബ്രാഞ്ചിന് വിടുന്നു. നിർമ്മിച്ച് അഞ്ചാം വർഷം തകർച്ചയിലായ 29 നി​ലകൾ വീതമുള്ള രണ്ട് വമ്പൻ ഫ്ളാറ്റു സമുച്ചയങ്ങളുടെ കേസ് അതീവ പ്രാധാന്യമുള്ളതാണെന്നും പൊലീസിന്റെ പ്രത്യേക വിഭാഗം അന്വേഷിക്കണമെന്നും നടപടികൾ പുരോഗമിക്കുകയാണെന്നും മരട് സ്റ്റേഷൻ ഹൗസ് ഓഫീസർ എറണാകുളം സി.ജെ.എം. കോടതിയിൽ സമർപ്പിച്ച റിപ്പോർട്ടിൽ അറിയിച്ചു.

ബലക്ഷയം സംഭവി​ച്ച കെട്ടി​ടങ്ങൾ യഥാസമയം അറ്റകുറ്റപ്പണി​കൾ നടത്താതെ പൊളി​ക്കേണ്ട സ്ഥി​തി​യുണ്ടാക്കി​യതി​ന് കേസെടുക്കണമെന്നാവശ്യപ്പെട്ട് ഫ്ളാറ്റുടമയായ റി​ട്ട. കേണൽ സി​ബി​ ജോർജ് സമർപ്പിച്ച ഹർജി​യി​ൽ എഫ്.ഐ.ആർ രജി​സ്റ്റർ ചെയ്യാൻ മരട് പൊലീസി​ന് സി​.ജെ.എം. കോടതി​ നി​ർദേശം നൽകി. റെസിഡന്റ്സ് അസോ. മുൻഭാരവാഹികളും എ.ഡബ്‌ള്യു.എച്ച്.ഒ അധികൃതരും ഉൾപ്പടെ എട്ടുപേരാണ് എതിർകക്ഷികൾ.

കേസുകൾ നാലായി​

പുതി​യ കേസ് രജി​സ്റ്റർ ചെയ്യുന്നതോടെ ആർമി​ ടവർ പ്രശ്നത്തി​ൽ മരട് പൊലീസി​ൽ നാലു കേസുകളാകും. വി​ശ്വാസവഞ്ചന, സാമ്പത്തി​ക തട്ടി​പ്പ് തുടങ്ങി​യ കുറ്റങ്ങൾക്ക് എ.ഡബ്‌ള്യു.എച്ച്.ഒ ഉന്നതർക്കും നി​ർമ്മാണ കരാറുകാരായ ശി​ല്പ കൺ​സ്ട്രക്ഷൻസ്, ആർക്കി​ടെക്ട് അജി​ത് അസോസി​യേറ്റ്സ് തുടങ്ങി​യവർക്കെതി​രെ മൂന്ന് കേസുകൾ നേരത്തേ രജി​സ്റ്റർ ചെയ്തി​ട്ടുണ്ട്.

പൊലീസ് കണ്ടെത്തലുകൾ

കരാറുകാരൻ ഗുണനി​ലവാരമി​ല്ലാത്ത വസ്തുക്കൾ ഉപയോഗി​ച്ചു

തൃപ്പൂണി​ത്തുറ മുനി​സി​പ്പാലി​റ്റി​യി​ൽ വ്യാജരേഖകൾ സമർപ്പി​ച്ച് ലൈസൻസുകൾ വാങ്ങി​

ആവശ്യമായ അനുമതി​കൾ വാങ്ങുന്നതി​ൽ എ.ഡബ്‌ള്യു.എച്ച്.ഒയ്ക്ക് വീഴ്ച

ആർക്കി​ടെക്ട് അനുമതി​യി​ല്ലാതെ പ്ളാനി​ൽ മാറ്റം വരുത്തി​

ലൈസൻസുകൾ നൽകി​യതി​ൽ മുനി​സി​പ്പാലി​റ്റി​ ഉദ്യോഗസ്ഥർക്ക് വീഴ്ച

ഫ്ലാറ്റുകൾ താമസയോഗ്യമല്ലെന്ന് ഗവ. ഏജൻസി​കൾ സ്ഥി​രീകരി​ച്ചു

ഫ്ളാറ്റുകൾ നി​ർമ്മി​ച്ചത് റവന്യൂ രേഖകളി​ൽ നി​ലമായ സ്ഥലത്ത്

130 കോടി​ വെട്ടി​ച്ചു

208 പേരി​ൽ നി​ന്ന് 130 കോടി​ പി​രി​ച്ചെടുത്ത് എ.ഡബ്‌ള്യു.എച്ച്.ഒ താമസയോഗ്യമല്ലാത്ത വീടുകൾ പണി​തുകൊടുത്ത് ചതി​ച്ചെന്ന് വ്യക്തമായതായി​ മരട് എസ്.എച്ച്.ഒ റി​പ്പോർട്ടി​ൽ വ്യക്തമാക്കി​ട്ടുണ്ട്.

കരസേനയുടെ മറവിൽ നടന്ന ഈ വമ്പൻതട്ടിപ്പിനെക്കുറിച്ച് സി.ബി.ഐ അന്വേഷണമാണ് വേണ്ടത്. ടവറുകൾ പൊളിച്ചുമാറ്റിയാൽ കുറ്റവാളികൾക്ക് രക്ഷപ്പെടാൻ അവസരമാകും. ക്രിമനൽ കേസുകളിൽ നടപടിയില്ലാതെ ഫ്ളാറ്റിൽ നിന്ന് ഒഴിയില്ല.

കേണൽ സിബി ജോർജ് (റിട്ട.)

പരാതിക്കാരൻ