ജനകീയ ശുചീകരണ പരിപാടി

പന്തളം : പൊതുയിടങ്ങൾ ജനപങ്കാളിത്തത്തോടെ ശുചിയാക്കുന്ന ജനകീയശുചീകരണ പരിപാടിയുടെ പന്തളം തെക്കേക്കര ഗ്രാമപഞ്ചായത്തുതല ഉദ്ഘാടനം മങ്കുഴി ജംഗ്ഷനിൽ ഗ്രാമപഞ്ചായത്ത് പ്രസിഡന്റ് എസ്.രാജേന്ദ്രപ്രസാദ് നിർവഹിച്ചു. എല്ലാ മാസവും മൂന്നാമത്തെ ശനിയാഴ്ച പൊതുസ്ഥലങ്ങളും മൂന്നാമത്തെ വെള്ളി​യാഴ്ച സ്‌കൂളുകളും സർക്കാർ സ്ഥാപനങ്ങളും വൃത്തിയാക്കും. സ്ഥിരംസമിതി ചെയർപേഴ്‌സൺ വി.പി.വിദ്യാധരപണിക്കർ, അംഗം അംബിക ദേവരാജൻ, സെക്രട്ടറി സി.എസ്.കൃഷ്ണകുമാർ, സി.ഡി.എസ് അംഗം സരസ്വതിയമ്മ, കുടുംബശ്രീ അംഗങ്ങൾ തുടങ്ങിയവർ പങ്കെടുത്തു. തട്ട മങ്കുഴി ജംഗ്ഷൻ പൊതുജനപങ്കാളിത്വത്തോടെ ശുചീകരി​ച്ചു.