ലഹരിവിരുദ്ധ കാമ്പയിനുകൾ ശക്തമാക്കണം: സ്വാമി അസംഗാനന്ദഗിരി

തൃശൂർ: ലഹരി വിരുദ്ധ പോരാട്ടത്തിന്റെ അനിവാര്യത സമൂഹത്തിന് കൂടുതലായി ബോധ്യപ്പെട്ടുകൊണ്ടിരിക്കുകയാണെന്നും ലഹരി വിരുദ്ധ കാമ്പയിനുകൾ ശക്തമാക്കാനുള്ള ദൗത്യം ഗുരുധർമ്മ പ്രചാരണ സഭ ഏറ്റെടുക്കണമെന്നും സഭാ കേന്ദ്ര സെക്രട്ടറി സ്വാമി അസംഗാനന്ദഗിരി പറഞ്ഞു. ഗുരു ധർമ്മ പ്രചാരണ സഭ തൃശൂർ ജില്ലാ വാർഷിക പൊതുയോഗം കൂർക്കഞ്ചേരിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സഭാ കേന്ദ്ര രജിസ്ട്രാർ കെ.ടി.സുകുമാരൻ അദ്ധ്യക്ഷനായി.
ചീഫ് കോർഡിനേറ്റർ സത്യൻ പന്തത്തല സംഘടനാ സന്ദേശം നൽകി. കേന്ദ്ര എക്‌സി. അംഗം അമ്പിളി ഹാരിസ്, യുവജന സഭാ കേന്ദ്ര സമിതി ചെയർമാൻ രാജേഷ് സഹദേവൻ, ജില്ലാ പ്രസിഡന്റ് എ.പി.ബാലൻ, സെക്രട്ടറി ടി.യു.വേണുഗോപാൽ, മാതൃസഭാ പ്രസിഡന്റ് റീജാ അജയൻ, സെക്രട്ടറി അജിതാ സന്തോഷ്, യുവജന സഭാ കോ ഓർഡിനേറ്റർ സന്തോഷ്, ഋഷി പല്പു എന്നിവർ സംസാരിച്ചു. ശ്രീമഹാദേവ ക്ഷേത്രത്തിലെ ഗുരുദേവ മന്ദിരത്തിൽ സ്വാമി അസംഗാനന്ദഗിരിയുടെ നേതൃത്വത്തിൽ പ്രത്യേക പ്രാർത്ഥനയും പുഷ്പാർച്ചനയും നടന്നു.
ഭാരവാഹികളായി ടി.കെ.സന്തോഷ് (പ്രസിഡന്റ്), പി.പി.സദാനന്ദൻ, പ്രസന്നകുമാരി (വൈസ് പ്രസിഡന്റുമാർ), ഗിരീഷ് ഉണ്ണികൃഷ്ണൻ (സെക്രട്ടറി), പി.കെ.ബാബു ,സഞ്ജു കാട്ടുങ്കൽ (ജോ: സെക്രട്ടറിമാർ), ടി.എസ്.സദാനന്ദൻ (ട്രഷറർ), എ.കെ.ജയരാജ്, ടി.കെ.സജി, കെ.കെ.ചന്ദ്രശേഖരൻ, സിദ്ധകുമാർ, ദിനേശ് ബാബു (കേന്ദ്ര കമ്മറ്റി അംഗങ്ങൾ), കെ.ജി.സന്തോഷ്, പി.കെ.സി.ബോസ് കാരമുക്ക്, എ.എ.ഹരിദാസ്, രമാദേവി, മോഹനൻ, നരേന്ദ്രൻ നെല്ലായി, സുഗതൻ കല്ലിങ്കൽ പുറം, ടി.കെ.സുകുമാരൻ (കമ്മറ്റി അംഗങ്ങൾ) എന്നിവരെ തിരഞ്ഞെടുത്തു.