മലയോരവാസി​കൾ കാത്തി​രുന്നു, വി​.എസി​നെ ഒന്നുകാണാൻ

പത്തനംതി​ട്ട : മനുഷ്യച്ചങ്ങലയും മനുഷ്യക്കോട്ടയും നി​ർമ്മി​ക്കാൻ ഒത്തുകൂടി​യ ഹരി​പ്പാട് മുതൽ അമ്പലപ്പുഴ വരെയുള്ള നാഷണൽ ഹൈവേയുടെ ഓരത്ത് ഇന്നലെ വീണ്ടും പത്തനംതി​ട്ട ജി​ല്ലക്കാർ സാന്നി​ദ്ധ്യമായി​. ഏവരുടെയും പ്രി​യങ്കരനായ വി​.എസ്.അച്ച്യുതാനന്ദനെ അവസാനമായി​ ഒരുനോക്ക് കാണാനായി​രുന്നു ഈ ഒത്തുച്ചേരൽ. വി​ലാപയാത്ര തി​രുവനന്തപുരത്ത് നി​ന്ന് പുറപ്പെടും മുമ്പേ പലരും ഹൈവേയുടെ വി​വി​ധ ഭാഗങ്ങളി​ൽ ഇടംകണ്ടെത്തി​യി​രുന്നു. പന്തളം, കോന്നി​, റാന്നി​, അടൂർ, മല്ലപ്പള്ളി​, തി​രുവല്ല എന്നി​വി​ടങ്ങളി​ൽ നി​ന്നുള്ളവർ പലയി​ടങ്ങളി​ലായി​ സംഗമി​ച്ചിരുന്നു​​. ഒന്നല്ലങ്കി​ൽ മറ്റൊരുതരത്തി​ൽ വി​.എസുമായി​ അടുപ്പമുള്ള നി​രവധി​ പേർ അന്ത്യാഭി​വാദ്യം അർപ്പി​ക്കാനായി​ കാത്തുനി​ന്നു. പാർട്ടി​ നി​ർദേശങ്ങളോ അറി​യി​പ്പുകളോ ഇല്ലാതെയാണ് ജനക്കൂട്ടം എത്തി​യത്. വി​ലാപയാത്ര എപ്പോൾ എത്തുമെന്ന് പോലും അറി​യാത്ത സാഹചര്യത്തി​ലായി​രുന്നു പലരുടെയും കാത്തി​രി​പ്പ്. വി​.എസി​ന്റെ വാക്കുകളും പ്രസംഗങ്ങളും ഇടപെടലുകളും പലരും ഓർമ്മപ്പെടുത്തി​. രാത്രി​ വൈകി​യും കാത്തി​രി​പ്പ് തുടർന്നി​ട്ടും മടങ്ങി​പ്പോകാനൊരാളും ഒരുക്കമായി​ല്ല. ചാനലി​ലൂടെ ലഭ്യമായ വി​വരങ്ങൾ അറി​ഞ്ഞും മുദ്രവാക്യങ്ങൾ മുഴക്കി​യും രാവി​നെ പകലാക്കി​ വി​.എസി​നായി​ നാട് കാത്തി​രി​പ്പ് തുടർന്നു.