വി.എസ് നെതിരെ അധിക്ഷേപം:അദ്ധ്യാപകൻ അറസ്റ്റിൽ

കിളിമാനൂർ : വി.എസ്. അച്യുതാനന്ദനെ അധിക്ഷേപിച്ച് സമൂഹ മാദ്ധ്യമത്തിൽ പോസ്റ്റിട്ട അദ്ധ്യാപകനെ ന​ഗരൂർ പൊലീസ് അറസ്റ്റ് ചെയ്തു. നെടുമ്പറമ്പ് എ .എ . നിവാസിൽ വി.അനൂപാണ് അറസ്റ്റിലായത്.ആറ്റിങ്ങൽ ​ഗവ .മോഡൽ ബോയ്സ് ഹയർസെക്കന്ററി സ്കൂളിലെ ഹയർസെക്കൻഡറി വിഭാ​ഗം ഇം​ഗ്ലീഷ് അധ്യാപകനാണ്. നവമാദ്ധ്യമത്തിലൂടെ അധിക്ഷേപകരമായ സ്റ്റാറ്റ്സ് ഇട്ടതിനും, സമൂഹത്തിൽ സംഘർഷാവസ്ഥ സൃഷ്ടിക്കാൻ ശ്രമിച്ചതിനുമാണ് കേസ്. വി എസ് ന് ആദരമർപ്പിച്ച് നവമാധ്യമങ്ങളിൽ നിരവധിയാളുകൾ പോസ്റ്റിട്ടിരുന്നു.. ഇതിൽ അസഹിഷ്ണുത പ്രകടിപ്പിച്ചാണ് അനൂപ് വാട്സ്ആപ്പിൽ സ്റ്റാറ്റസിട്ടത്. പ്രാദേശിക സി.പി.എം അംഗങ്ങൾ ന​ഗരൂർ പൊലീസിൽ പരാതി നൽകിയതിന്റെ അടിസ്ഥാനത്തിലാണ് പൊലീസ് അറസ്റ്റ് ചെയ്തത്.