ഇറാനിൽ ഭീകരാക്രമണം: 5 മരണം

ടെഹ്റാൻ: ​ഇ​റാ​നി​ലെ​ ​സി​സ്‌​താ​ൻ​ ​ബ​ലൂ​ചി​സ്ഥാ​ൻ​ ​പ്ര​വി​ശ്യ​യിലുണ്ടായ ഭീകരാക്രമണത്തിൽ ഒരു വയസുള്ള കുഞ്ഞും അമ്മയുമടക്കം അഞ്ച് പേർ കൊല്ലപ്പെട്ടു. 13 പേർക്ക് പരിക്കേറ്റു. പ്രവിശ്യയുടെ തലസ്ഥാനമായ സഹേദാൻ നഗരത്തിൽ നീതിന്യായ വകുപ്പുമായി ബന്ധപ്പെട്ട കെട്ടിടത്തിലായിരുന്നു ആക്രമണം. അക്രമികളിൽ മൂന്ന് പേരെ സുരക്ഷാ സേന വധിച്ചു. ജെയ്ഷ് അൽ - അദ്ൽ ഭീകരഗ്രൂപ്പ് ആക്രമണത്തിന്റെ ഉത്തരവാദിത്വം ഏറ്റെടുത്തു. സന്ദർശകരെന്ന വ്യാജേന കെട്ടിടത്തിനുള്ളിൽ അതിക്രമിച്ച് കടക്കാൻ ശ്രമിച്ച ഭീകരർ ഗ്രനേഡ് എറിയുകയായിരുന്നു. പാകിസ്ഥാൻ കേന്ദ്രീകരിച്ച് പ്രവർത്തിക്കുന്ന ജെയ്ഷ് അൽ - അദ്ൽ ഇറാന്റെ തെക്കു കിഴക്കൻ മേഖലകളിൽ സജീവമാണ്.