ടാഗോർ ഹാൾ പൊളിച്ചു നീക്കി പുതിയ കെട്ടിടം തറക്കല്ലിടൽ രണ്ട്മാസത്തിനകം

കോഴിക്കോട്: സാ​ഹി​ത്യ ന​ഗ​രത്തിന്റെ കലാസാംസ്കാരിക പരിപാടികളുടെ വേദിയാകാൻ പുതിയ ടൗൺ ഹാൾ രണ്ട് മാസത്തിനകം. ന​വീ​ക​രി​ക്കു​ന്ന​തി​ന്റെ മു​ന്നോ​ടി​യാ​യി അ​മ്പ​ത് കൊ​ല്ലം​മു​മ്പ് പ​ണി​ത ടാ​ഗോ​ർ ഹാ​ൾ പൂർണ്ണമായും പൊളിച്ച് മാറ്റി. പി.ഡബ്യൂ.ഡിയിൽ നിന്ന് കെട്ടിടത്തിന്റെ ടെക്നിക്കൽ അനുമതി ലഭിക്കുന്നതോടെ ടെൻഡർ നടപടികളിലേക്ക് കടക്കും. രണ്ട് മാസത്തിനകം തന്നെ പുതിയ കെട്ടിടത്തിന്റെ തറക്കല്ലിടൽ നടത്താനൊരുങ്ങുകയാണ് കോ‌പറേഷൻ. 7.6 ല​ക്ഷം രൂ​പ​ ചെലവഴിച്ച് കെ.പി.എം ഓൾഡ് അയേൺ ട്രേഡേഴ്സാണ് കെ​ട്ടി​ടം പൊ​ളി​ക്കു​ന്ന പ്രവൃത്തി പൂർത്തീകരിച്ചത്. കെട്ടിടത്തിന്റെ അവശിഷ്ടങ്ങൾ നീക്കുന്ന ജോലി പുരോഗമിക്കുകയാണ്. ര​വീ​ന്ദ്ര​നാ​ഥ ടാ​ഗോ​റി​ന്റെ ജ​ന്മ​ശ​താ​ബ്ദി ഭാ​ഗ​മാ​യി 1973 ഡി​സംബറിൽ ഉദ്ഘാടനം കഴി‌ഞ്ഞ ഹാളാണ് ചോർന്നൊലിക്കാൻ തുടങ്ങിയതോടെ പൊളിച്ചു പണിയാൻ കോർപറേഷൻ തീരുമാനിച്ചത്. 67,75,46,108 രൂ​പ ചെ​ല​വി​ലാണ് ആ​ധു​നി​ക ടാ​ഗോ​ർ ഹാ​ൾ സ​മു​ച്ച​യം പണിയുന്നത്. കേരള അർബൻ ആൻഡ് റൂറൽ ഡിവലപ്പ്‌മെന്റ് ഫിനാൻസ് കോർപ്പറേഷൻ (കെ.യു.ആർ.ഡി.എഫ്.സി.)യിൽ നിന്ന് 49 കോടി രൂപ ലോണെടുത്താണ് നിർമ്മാണം നടത്തുക. ഡി -​ എ​ർ​ത്താ​ണ് പ​ദ്ധ​തി​രേ​ഖ ത​യാ​റാ​ക്കി​യ​ത്.

ഉയരുന്നത് മൂന്ന് നില കെട്ടിട സമുച്ഛയം

പു​സ്ത​ക ഷോ​പ്പു​ക​ളും മൾട്ടിപ്ലക്സ് തിയറ്ററുകളും കോഫി ഷോപ്പികളുമുൾപ്പെടെ അത്യാധുനിക സൗകര്യങ്ങളോടെയാണ് പുതിയ ടൗൺ ഹാൾ കോം​പ്ല​ക്സ് പണിയുക. 2000 പേ​ർ​ക്ക് ഇ​രി​ക്കാ​വു​ന്ന പ്രധാന ഹാ​ൾ, 150 പേ​ർ​ക്ക് ഇ​രി​ക്കാ​വു​ന്ന മി​നി​ഹാ​ൾ, ആ​ധു​നി​ക ദൃ​ശ്യ ശ്ര​വ്യ സം​വി​ധാ​ന​ങ്ങ​ൾ, ആ​ധു​നി​ക അ​ടു​ക്ക​ള, 500 പേർ​ക്ക് ഭ​ക്ഷ​ണം ക​ഴി​ക്കാ​നു​ള്ള ഡൈ​നിംഗ്ഹാ​ൾ, വിശാലമായ പാ​ർ​ക്കിംഗ് സം​വി​ധാ​നം, പൊ​തു​ജ​ന​ങ്ങ​ൾ​ക്ക് പ​ണം ന​ൽ​കി പാ​ർ​ക്ക് ചെ​യ്യാ​നു​ള്ള സം​വി​ധാ​നം, സം​സ്കാ​രി​ക പ്ര​വ​ർ​ത്ത​ക​ർ​ക്കും തെ​രു​വ് ക​ലാ​കാ​ര​ന്മാ​ർ​ക്കു​മു​ള്ള 100 പേ​ർ​ക്കെ​ങ്കി​ലും ഇ​രി​ക്കാ​വു​ന്ന ഓ​പ​ൺ ആം​ഫി തി​യ​റ്റ​ർ, ക​വി​താ തെ​രു​വ് തു​ട​ങ്ങി​യ സൗകര്യങ്ങളുണ്ടാകും.

''പുതിയ കെട്ടിടത്തിന്റെ ടെക്നിക്കൽ അനുമതിക്കായുള്ള നീക്കങ്ങൾ നടത്തികൊണ്ടിരിക്കുന്നു. അനുമതി ലഭിച്ചാലുടൻ പ്രവൃത്തി ആരംഭിക്കും''

പി.സി രാജൻ, ചെയർമാൻ, പൊതുമരാമത്ത് സ്ഥിരം സമിതി