ശ്രേഷ്ഠ കാതോലിക്ക ബാവ മുഖ്യമന്ത്റിയെ സന്ദർശിച്ചു

തിരുവനന്തപുരം: യാക്കോബായ സഭാദ്ധ്യക്ഷൻ മാർ ബസേലിയോസ് ജോസഫ് ശ്രേഷ്ഠ കാതോലിക്കാ ബാവ മുഖ്യമന്ത്റി പിണറായി വിജയനെ ക്ലിഫ് ഹൗസിൽ സന്ദർശിച്ചു. മുഖ്യമന്ത്റിയും കുടുംബവും ചേർന്ന് ശ്രേഷ്ഠ ബാവായെ സ്വീകരിച്ചു. മുണ്ടക്കൈ- ചൂരൽമല ദുരിതാശ്വാസ നിധിയിലേക്ക് സഭയുടെ രണ്ടാമത്തെ ഗഡുവായി 50 ലക്ഷം രൂപയുടെ ചെക്ക് ബാവ മുഖ്യമന്ത്റിക്ക് കൈമാറി. മീഡിയാ സെൽ ചെയർമാൻ മാർ തെയോഫിലോസ് കുര്യാക്കോസ് മെത്രാപ്പോലീത്ത, മുഖ്യമന്ത്റിയുടെ ഭാര്യ കമലാ വിജയൻ, സഭാ ട്രസ്​റ്റി കമാൻഡർ തമ്പു ജോർജ് തുകലൻ എന്നിവർ സന്നിഹിതരായിരുന്നു.