ഋഷികേശ് ഷോമിക്ക് ഒന്നാം സ്ഥാനം

കൊടുങ്ങല്ലൂർ: എട്ടാമത് കേരള സംസ്ഥാന ബോക്‌സിംഗ് ചാമ്പ്യൻഷിപ്പിൽ കൊടുങ്ങല്ലൂർ സ്വദേശി ഋഷികേശ് ഷോമി സബ് ജൂനിയർ (46 കെ.ജി)വിഭാഗത്തിൽ ഒന്നാം സ്ഥാനം കരസ്ഥമാക്കി. പുത്തൻച്ചിറ തെക്കും മുറി ഹൈസ്‌കൂൾ ഒമ്പതാം ക്ലാസ് വിദ്യാർത്ഥിയാണ് ഈ മിടുക്കൻ. പുത്തൻച്ചിറ തെക്കും മുറി ഹൈസ്‌കൂൾ അദ്ധ്യാപകനും പ്രോസിസ്ത് ഹെൽത്ത് ക്ലബ് എം.ഡി.കെ.എം.ഷോമിയുടെയും പി.വെമ്പല്ലൂർ എം.ഇ.എസ് അസ്മാബി കോളേജ് അസി: പ്രൊഫ:ഡോ: ഷൈനി ഷോമിയുടെയും മകനാണ്. പ്ലസ് വണ്ണിന് പഠിക്കുന്ന സഹോദരി ആത്മിക ഷോമിയും ബോക്‌സിംഗ് ഗോൾഡ് മെഡൽ ജേതാവാണ്.നിലവിൽ ഋഷികേശ് ഷോമി ഉത്തർപദേശിൽ നടക്കുന്ന സബ് ജൂനിയർ ദേശീയ ബോക്‌സിംഗ് മത്സരത്തിൽ പങ്കെടുക്കാൻ പുറപ്പെട്ടു. കൊടുങ്ങല്ലൂർ ലോകമലേശ്വരം ഉഴുവത്ത്ക്കടവിലാണ് താമസം.