ട്രെയിനിൽ നിന്ന് ഭ്രൂണം കിട്ടിയ സംഭവം: യാത്രക്കാരുടെ മൊഴിയെടുക്കും

ആലപ്പുഴ : ട്രെയിനിൽ നിന്ന് മൂന്നുമാസം പ്രായമുള്ള ഗർഭസ്ഥശിശുവിന്റെ ഭ്രൂണം കണ്ടെത്തിയ സംഭവത്തിൽ യാത്രക്കാരുടെ മൊഴിയെടുക്കുമെന്ന് ആർ.പി.എഫ് അറിയിച്ചു. ഈ കോച്ചുകളിൽ സഞ്ചരിച്ചിരുന്നവരുടെ വിവരങ്ങൾ ശേഖരിച്ചു തുടങ്ങി. വ്യാഴാഴ്ച രാത്രി ആലപ്പുഴ റെയിൽവേ സ്റ്റേഷനിലെത്തിയ ധൻബാദ്-ആലപ്പുഴ എക്സ്‌പ്രസിലെ എസ്-4, എസ്-5 സ്ലീപ്പർ കോച്ചുകളെ ബന്ധിപ്പിക്കുന്ന ഭാഗത്തെ ചവറ്റുകുട്ടയ്ക്ക് സമീപത്ത് നിന്നാണ് ശുചീകരണത്തൊഴിലാളികൾ ഭ്രൂണം കണ്ടെത്തിയത്. വെള്ളിയാഴ്ച ആർ.പി.എഫും ഫോറൻസിക് ഉദ്യോഗസ്ഥരും നടത്തിയ പരിശോധനയിൽ ബോഗിയിലെ 51, 52 സീറ്റുകളിലായി രക്തക്കറ കണ്ടെത്തിയിരുന്നു. ഇത് ഡി.എൻ.എ പരിശോധനയ്ക്ക് അയച്ചിട്ടുണ്ട്.