അതിവേഗത്തിലെത്തിയ കാർ ഓട്ടോറിക്ഷയിലിടിച്ച് അപകടം; അഞ്ച് കുട്ടികൾക്ക് പരിക്ക്, രണ്ട് പേർ ഗുരുതരാവസ്ഥയിൽ

പാലക്കാട്: കോങ്ങാട് കാറും ഓട്ടോറിക്ഷയും കൂട്ടിയിടിച്ച് അഞ്ച് കുട്ടികൾ ഉൾപ്പെടെ ആറ് പേർക്ക് പരിക്കേ​റ്റു. രണ്ട് പേരുടെ നിലഗുരുതരമാണ്. മദ്രസയിൽ നിന്ന് വീട്ടിലേക്ക് ഓട്ടോറിക്ഷയിൽ പോകുകയായിരുന്ന കുട്ടികളാണ് അപകടത്തിൽപ്പെട്ടത്. അമിതവേഗത്തിലെത്തിയ കാറാണ് എതിർദിശയിൽ നിന്നുവന്ന ഓട്ടോറിക്ഷയിൽ ഇടിച്ചത്. ഇന്ന് രാവിലെയായിരുന്നു സംഭവം. പാലക്കാട് നഗരത്തിലുളള ആശുപത്രിയിലാണ് കുട്ടികളെയും ഡ്രൈവറെയും പ്രവേശിപ്പിച്ചിരിക്കുന്നത്. ഓട്ടോറിക്ഷ പൂർണമായും തകർന്നിട്ടുണ്ട്.